Ministru Obra Públika, Salvador Eugénio Soares dos Reis Pires. Imajen Tatoli/Egas Cristóvão

DILI, 28 outubru 2019 (TATOLI) – Ministru Obra Públika, Salvador Eugénio Soares dos Reis Pires, hateten bainhira membru governu sira atu hala’o viajen estranjeiru sempre liuhosi permisaun Primeiru-Ministru (PM), Taur Matan Ruak.

Salvador ko’alia asuntu ne’e relasiona ho membru Parlamentu Nasionál (PN) sira ne’ebé maka preukupa ho orsamentu viajen estranjeiru ba Ministériu Obra Públika (MOP) iha Proposta Orsamentu Jerál Estadu (OJE) 2020 hamutuk $329.000, liliu ba Diresaun Orsamentu Finansa.

Notísia Relevante: Membru PN Preukupa ho Orsamentu Viajen Estranjeiru MOP $329.000

“Kona-ba viajen estranjeiru ba Diresaun Orsamentu Finansa, Gabinete Ministru, Vise-Ministru, Diretór Jerál sira seluk, hamutuk ne’e maka $80.000. Membru Governu sira ne’ebé hala’o viajen sempre ho permisaun hosi Primeiru-Ministru nian”, tenik Ministru Salvador iha audiénsia konjunta Komisaun C,D,E no F, iha sala plenáriu, segunda ne’e.

Biban ne’e, governante ne’e informa ba Deputadu sira katak tinan ida ne’e MOP sei hala’o viajen dala-ida de’it.

Resposta badak ne’e, nafatin  la konvense konvense reprezentante povu sira iha uma fukun.

“Esplikasaun ne’e la konvense ami, tanba esplika ladún klaru”, hateten Deputadu Bankada FRETILIN, Fabião de Oliveira.

Ho esplikasaun ne’e, Agência TATOLI tenta konfirma Ministru Salvador maibé nia parte rejeita fó komentáriu.

Jornalista: Evaristo Soares Martins

Editór: Xisto Freitas

 

HAKEREK NO HATÁN

Please enter your comment!
Please enter your name here