Diresaun Nasionál Jestaun Risku no Dezastre (DNGRD-sigla portugés) hamutuk ho Komisaun Jestaun Dezastre, Komisaun Jestaun PA no komisaun jestaun Suku Distribuisaun material Konstrusaun Uma nian no hala’o Pag ai-kuadradu ho orsamentu mão de obra ba vítima dezastre Postu Administrativu Zumalai, Munisípiu Covalima, ba xefe família hamutuk 454 l. Imajen/foti hosi kronolojia Facebook Dezastres Naturais Timor Leste

DILI, 28 outubru 2019 (TATOLI)-Iha semana kotuk, Sekretáriu Estadu Protesaun Sivíl (SEPS) konklui ona apoiu emerjénsia  ba vítima inséndiu ahi han uma 18 iha Suku Abu, Postu Administrativu Quelicai, Munisípiu Baucau.

Notísia Relevante      : Ahi Han Uma Lisan 13 iha Matebian Hun

Material sira ne’ebé distribui ba vitima dezastre sira xefe família hamutuk 454 l iha Postu Administrativu Zumalai, Munisípiu Covalima. Imajen/Foti hosi kronolojia Facebook Dezastres Naturais Timor Leste

Diretór Jerál SEPS, Superintendente Asistente Polisia, Ismael da Costa Babo, ohin, ba Ajénsia TATOLI, informa, apoiu emerjénsia ne’e kompostu hosi foos, mina, ikan lata, dosi maran, lona, sabaun no seluk tan.

Pontu Fokál  SEPS iha munisípiu kontinua rekolla dadus loloos no momoos kona-ba vítima sira nian ne’ebé estraga iha inséndiu ahi han uma hodi hetan apoiu rekuperasaun ba materiál konstrusaun.

Notísia Relevante      : Vítima Inséndiu Matebian Hun Aumenta

Autoridade lokál  daudaun ne’e halo ona koordenasaun ho família vítima sira hodi evakua provizóriu ba hela hamutuk ho família sira.

Diretór Jerál SEPS  haktuir tan, daudaun ne’e pontu fokál ho autoridade lokál rekolla dadus kona-ba uma lisan hirak maka ahi han iha inséndiu iha Matebian hun no munisípiu seluk hodi relata ba Sekretáriu Estadu Arte-Kultura.

Notísia Relevante      : Ahi Han Uma 664 iha Munisípiu Sia

“Atu hadi’a uma lisan sira ne’e, ami sei hala’o koordenasaun ho parte Sekretária  Estadu Arte no Kultura (SEAC-sigla Portugés) hodi bele haree tanba sira mak iha kompeténsia hodi ko’alia kona-ba uma lulik sagradu,” informa Ismael Babo.

Dadus provizóriu SEPS nian katak uma lisan 13 maka ahi han iha Matebian hun, uma lisan neen (6) iha Munisípiu Ermera no munisípiu seluk sei iha prosesu rekollamentu dadus.

Jornalista : Nelson de Sousa

Editór       : Francisco Simões

HAKEREK NO HATÁN

Please enter your comment!
Please enter your name here