Diretór ESJ 5 de Maio, Manuel Verdial. Foto Fontes

DILI, 28 outubru 2019 (TATOLI) –Estudante sira husi eskola Ensinu Sekundáriu Jerál (ESG) 5 de maio Becora, bazea ba polítika no desizaun eskola nian, implementa durante tinan rua ona, fó biban no kompeténsia ba estudante sira hodi halo avaliasaun ba dezempeñu profesór sira nian iha ámbitu atividade létiva sira.

Diretór Eskola ESG 5 de maio Becora, Manuel Verdial, hateten implementasaun ne’e hahú iha 2017 to’o agora atu nune’e profesór sira mós tenke esforsa hodi kapasita ninia aan.

“Ha´u prepara formatu avaliasaun  dezempeñu ne’e ba kada estudante idaidak hodi avalia profesór turma no profesór disiplina sira ninia hanorin,” tenik Diretór Manuel Verdial ba Ajénsia TATOLI iha Eskola 5 de maio Becora, segunda (28/10/2019).

Nia esplika, avaliasaun ne’e kada semana estudante sira hatama mai diretór eskola depois mak diretór sei konfere fila fali. Ezemplu, avaliasaun estudante sira nian husu profesór Matemátika tenke muda ninia métodu hanorin, entaun iha enkontru sei fó sai.

Manorin na´in ne´e haktuir, avaliasaun estudante sira nian refere ba edukadór sira iha estabelesimentu ensinu públiku ne´e katak hatudu progresu. “Profesór sira simu no  hadi´a sira-nia aan. Oras ne’e daudaun sira iha dezempeñu ne’ebé di´ak.

Notísia relevante:Perfil Eskola Ensinu Sekundária Iha Dili: ESG 5 de Maio Becora (II)

Jornalista :Tomé Amado

Editór       :Rafy Belo

HAKEREK NO HATÁN

Please enter your comment!
Please enter your name here