Treinadór Lalenok United FC, Yance Matmei. Imajen Mídia LFA

DILI, 27 outubru 2019 (TATOLI)Jesus ne’e ita-nia mestri. Ha’u mesak sei la halo buat ida. Ami mesak mós labele atu halo buat ida. Loron-kalan ha’u harohan ba Nia husu atu bele ka lae ami mak hetan tasa tolu ne’e.

Iha nia moris, nia hahi Maromak (Jesus) liu sasán hotu. Ba nia, Maromak mak moris ida nia hún no Maromak mak esperansa ida nia na’in.

Lee mos: Lalenok Sai Kampiaun Super Tasa 2019

Tanba ne’e, iha ninia hakat tomak no nia atividade, nia sempre inisia ho orasaun ba Maromak iha leten aas. Ho orasaun, nia fiar sei mosu milagre. Milagre ida-ne’e sai duni realidade. Liuhusi ninia kbiit iha orientasaun no kbiit iha orasaun, Lalenok United FC sai Treble Winner ka sai kampiaun datoluk iha períodu ida—kampiaun Primeira Divizaun Liga Futeból Amadora (LFA) époka 2019, Tasa 12 Novembru no Super Tasa.

“Jesus ne’e ita-nia mestri. Ha’u mesak sei la halo buat ida. Ami mesak mós labele halo buat ida. Loron-kalan ha’u harohan ba Nia husu atu bele ka lae ami mak hetan tasa tolu ne’e,” dehan Treinadór Lalenok United FC, Yance Matmei, ba Agência Tatoli iha nia kna’ar fatin, Dili, foin lalais ne’e.

Maski halo istória foun iha Timor maibé nia lakohi loke nia hirus-matan. Treinadór nasionalidade Indonézia ho de’it sertifikadu treinadór nível C ne’e lakohi loko-aan ba buat ne’ebé nia atinje ona. Tanba, tuir nia, hanesan filozofia hare, bainhira isin ona, tenke haraik-aan.

“Jesus dehan ema ne’ebé foti-aan nia sei tun rabat kedan ba rai. Ema ne’ebé hakraik-aan no hatene agradese, nia sei sa’e no hetan rezultadu di’ak. Ita tenke agradese nune’e bele mantein ita-nia forsa maka’as liután iha tinan oin,” Yance katak.

Époka ida-ne’e, Lalenok nia katana kro’at tebes. Kadi iha ne’ebé? Ho hamnasa mihis, Yance hatán daudaun. Kadi iha Pantai Kelapa. Kadi ba fatukadi boot ne’ebé hatuur hosi Sr. Pedro Belo no Sra. Zenilda Gusmão. He-he-he. Bom susesu ekipa Lalenok.

Kareira treinadór hosi 2000 to’o 2019

  1. HEACH COACH PUTNUS ( Putra Nusantara) Jogjakarta.
  2. HEACH COACH LIGA BOGASARI DIY JOGJAKARTA.
  3. HEACH COACH LIGA REMAJA.
  4. HEACH COACH PERSETAN TULUNG AGUNG SENIOR JAWA TIMUR.
  5. PERSIHARJO SUKOHARJO JAWA TENGAH DEVISI 2 NASIONAL.
  6. HEACH COACH PSBI BLITAR DEVISI 1 NASIONAL.
  7. HEACH COACH PSS SLEMAN DEVISI UTAMA NASIONAL.
  8. HEACH COACH PERSEMI MIMIKA TIMIKA PAPUA.
  9. HEACH COACH LALENOK UNITED FC (2018-2019).

Jornalista: Hortençio Sanchez

Editór: Xisto Freitas

HAKEREK NO HATÁN

Please enter your comment!
Please enter your name here