DILI, 25 outubru 2019 (TATOLI) – Xefe Suku Rotutu, José dos Santos, sente haksolok tebes ho apoiu ne’ebé Governu haraik ona ba suku Rotutu nune’e bele fasilita informasaun ba komunidade iha suku refere.
“Bazeia ba desizaun Sekretaria Estadu Komunikasaun Sosiál (SEKOMS), deside fó apoiu ba suku Rotutu no Liurai ba faze dahuluk hodi bele fasilita komunidade sira asesu di’ak liu ba informasaun liuhosi instalasaun ba sentru informasaun”, dehan Líder Komunitáriu ne’e iha Palásiu Governu, sesta ne’e.
Notísia Relevante: SEKOMS Apoiu $20.000 ba Suku Rotutu no Liurai
Nia subliña, liuhosi programa no tulun hosi SEKOMS nian bele hakbesik liután komunidade sira hodi involve-aan iha prosesu dezenvolvimentu ne’ebé la’o hela iha Timor-Leste.
Daudaun ne’e, parte tékniku SEKOMS hala’o ona instalasaun ba sentru informasaun iha suku Rotutu.
Jornalista: Hortençio Sanchez
Editór: Xisto Freitas
