Ministru Negósius Estranjeirus no Kooperasaun (MNEK), Dionísio da Costa Babo Soares. Imajen/TATOLI

DILI, 25 outubru 2019 (TATOLI)-Ministru Negósiu Estranjeiru no Kooperasaun, Dionísio Babo Soares, reprezenta Governu no Estadu Timor-Leste hodi partisipa iha Simeira Xefe Estadu no Governu kona-ba Movimentu Naun Aliñadu ba da-la 18, iha Baku, Azarbaijan.

Partisipasaun ida ne’e hodi responde ba konvite husi Governu Azarbaijan ne’ebé hato’o ba Governu Timor-Leste, no hetan autorizasaun husi Primeiru-Ministru RDTL (Repúblika Demokrátika Timor-Leste), Taur Matan Ruak.

Movimentu Naun Aliñadu ne’e nu’udar organizasaun internasionál kompostu husi nasaun sira hamutuk 125 ne’ebé maioria nasaun sira foin mak dezenvolve-an.

Harii iha Belgrade tinan 1961, Bloku ida ne’e lakohi atu ofisialmente Aliña no sai belun ka kontra bloku poder boot ruma.

Grupu ida ne’e fiar katak nasaun sira foin mak dezenvolve-an la presiza sai kapitalista ka komunista, maibé tenke buka dalan/meius diferente hodi tulun sira-nia povu.

Fundadór sira ba bloku ida né mak Prezidente Josip Broz Tito husi Yugoslavia, Primeiru-Ministru Dahuluk India, Jawaharlal Nehru husi India, Prezidente Daruak Egiptó, Gamal Abdel Nasser, Prezidente Dahuluk Gana, Kwame Nkrumah, no Prezidente Dahuluk Indonézia, Sukarno.

(KI)

HAKEREK NO HATÁN

Please enter your comment!
Please enter your name here