Komandante Sentru Formasaun Treinu, Tenente Koronél Cesario S. Marçal Ximenes “Haksolok” ensera formasaun armas lijeira (sasán kaman) iha Sentru Formasaun Treinu Metinaro (CFT), sesta (25/10/2019). Imajen/Mídia F-FDTL

DILI, 25 outubru 2019 (TATOLI)–Membru FALINTIL –Forsa Defeza Timor Leste (F-FDTL) hamutuk nain 36 remata ona sira nia kursu armas lijeira (sasán kaman) iha Sentru Formasaun Treinu Metinaro (CFT).

Kursu ne’e fó direita hosi Instrutór Kombate Ambiente Urbanu (CICAU), Kapitaun Infantaria Komandu, Gregorio Bernado Correia mak sai hanesan diretór  kursu, no tuir fali mak Treinu Kapasitasaun Armas Lijeira fó hosi Alferes Verdial da Costa, no   Kursu Instrutór Manutensaun Armas Lijeira dirije hosi Asesór Nova Zelándia, Aaron French.

Kursu ne’e hala’o  durante semana tolu, hahú hosi loron 7 to’o loron 25 outubru 2019.

Komandante Sentru Formasaun Treinu, Tenente Koronél Cesario S. Marçal Ximenes “Haksolok” dehan, formasaun bele hotu ona, importante liu maka membru sira atu dezenvolve no fahe tutan matenek  no implementa iha asaun serbisu.

Iha fatin hanesan, Diretór Kursu Kapasitasaun Armas Lijeira, Alferes Verdial da Costa, husu atu formadu sira implementa esperiénsia  iha serbisu loro-loron.

Nia husu ba formandu sira, kontinua aprende nafatin hodi kapasita sira nia-an hodi kontribui ba dezenvolvimentu Komandu F-FDTL.

Jornalista : Eugénio Pereira

Editór       : Francisco Simões

HAKEREK NO HATÁN

Please enter your comment!
Please enter your name here