Juiz Administradór Tribunal Distritál Suai, José Maria de Araújo. Imajen/ Domingos Piedade

DILI, 25 outubru 2019 (TATOLI) –Juiz Administradór Tribunal Distritál Suai (TDS), José Maria de Araújo, sei halo esforsu atu bele redús kazu 900-rein mak pendente hela iha tribunal refere.

Notísia Relevante : PTR Fó Pose ba Juiz Administradór Tolu 

Mezmu foin simu pose nu’udar Juiz Administradór TDS, maibé Juiz José Maria de Araújo sei halo ezersísiu atu mobiliza forsa tomak (autór justisa sira)  ne’ebé serbí iha TDS atu bele aselera prosesu sira ne’e.

Iha biban nee,  Juiz  José Maria de Araújo, agradese ba Prezidente Tribunal Rekursu (PTR), Deolindo dos Santos, ne’ebé investe konfiansa tomak ba nia atu ordena lala’ok serbisu TDS nian, inklui jere jestaun patrimóniu ne’ebé fasilita serbisu TDS.

Ba jornalista sira hafoin simu pose hosi PTR Deolindo dos Santos, iha Tribunal Rekursu (TR), kinta (24/10/2019), nu’udar Juiz Administradór TDS,  José Maria de Araújo, kondisaun infraestrutura TDS nian haree hosi esteriór kabeer hela, maibé  fasilidade iha laran antigu hotu ona, tanba ne’e presiza hadi’a no elabora planu integradu ida atu bele haree serbisu sira ho di’ak liu tan.

Juiz José Maria de Araújo, antes ne’e, hala’o knar nu’udar Juiz Administradór Tribunal Distritál Dili (TDD).

Jornalista : Domingos Piedade Freitas

Editór       : Francisco Simões

 

HAKEREK NO HATÁN

Please enter your comment!
Please enter your name here