Logotipu Tribunál Distritál

DILI, 25 outubru 2019 (TATOLI) -Tribunal Distritál Dili (TDD) liuhosi juiz prosesu titular, Srybuana da Costa, husu ba konsellu majistratura judisiál atu koloka tradutór lingua permanente iha tribunal sira hodi halo tradusaun hosi Tetum no lian estranjeira, nune’e labele prejudika julgamentu ba sidadaun sira ne’ebé la hatene ko’alia lian Tetum.

Juiza Srybuana da Costa, aprezenta  kestaun nee, bainhira prezide kazu omisídiu grave ne’ebé envolve arguido ida hosi Ermera no krime ofensa ida hosi arguido Xineza ida, ne’ebé la komprende no la hatene ko’alia lian Tetum.

“Juiz sira preokupa tebes ba kazu sira ne’ebé envolve arguido sira ne’ebé ko’alia Tetum la hatene. Ida ne’e prejudika juiz sira atu loke prosesu ba arguido,” hateten Juiza Srybuana da Costa iha sala audiénsia julgamentu, ohin, iha Tribunal Distritál Dili (TDD).

Nia  hatete, tribunal labele halo julgamentu tanba laiha tradutór atu tradús ba arguido sira, tanba ne’e nia parte rekomenda ba konsellu atu haree asuntu ne’e ho di’ak, nune’e prosesu sira ne’ebé presiza tradutór bele lao no hotu lalais.

Jornalista : Domingos Peidade Freitas

Editór       : Francisco Simões

HAKEREK NO HATÁN

Please enter your comment!
Please enter your name here