Juiz Administradár Tribunal distritál Dili foun, Afonso Carmona. Imajen/Domingos Piedade.

DILI, 25 outubru 2019 (TATOLI) –Defensor Públiku, Rui Guterres, husu ba Juiz Administradór Tribunal Distritál  Dili foun, Juiz Afonso Carmona, atu  arrola didi’ak  ajenda kazu sivíl ho oráriu serbisu.

Notiísia Relevante : PTR Husu Juiz Administradór Foun Halo Jestaun Di’ak

“Ha’u hanoin ho juiz administradór foun bele haree kestaun ida nee, tanba dalaruma defensór públiku hein kleur liu,” Rui Guterres  hateten, ohin, ba Ajénsia TATOLI, iha Tribunal Distritál Dili,.

Nia hatutan, nu’udar defensór públiku mai iha oras ne’ebé mak merkadu ba prosesu kazu ruma, maibé dalaruma prosesu sira ne’e la’o la tuir nia oráriu no tenke dada iha oras ida to’o oras rua nia laran.

Nia hatutan, fallansu mosu tanba ofisial justisa sira marka oráriu barak liu iha oras hanesan bele rua ou tolu kazu hanesan nee, nune’e mak husu ba juiz administradór Dili foun tenke haree  atu rezolve.

Iha biban hanesan, Advogadu privadu, Fernando da Costa informa, prosesu ne’ebé mak han tempu mak prosesu sivíl hodi nune’e kontribui ba kazu barak mak pendente iha TDD.

Nia mós husu presiza haree kona ba oráriu sira atu nune’e la bele prejudika fila fali ba iha arguido, vítima, testemuña, defensór, advogadu no prokuradór sira nia tempu.

Jornalista : Domingos Piedade Freitas

Editór        : Francisco Simões

HAKEREK NO HATÁN

Please enter your comment!
Please enter your name here