Sesaun plenária Parlamentu Nasionál. Imajen/Tatoli

DILI, 24 outubru 2019 (TATOLI) – Líder Bankada Parlamentár sira halo ona diskusaun no aprovasaun ba giaun diskusaun Orsamentu Jerál Estadu (OJE) 2020.

Nune’e, oras ne’e daudaun ajenda ba audiénsia ho komisaun no diskusaun iha plenária prevee ona iha kalendáriu, enkuantu komisaun espesializada sira informa ona ba entidade kompetente sira.

Notísia Relevante: Governu Submete Ona Proposta Lei OJE 2020 ba PN

Prezidente Parlamentu Nasionál (PPN), Arão Noé de Jesus da Costa Amaral, hateten giaun ne’e maka sei regula diskusaun Orsamentu 2020 nian.

“Ohin líder bankada sira aprova giaun ba debate orsamentu 2020 nian, hahú loron 20 novembru to’o 9 dezembru. Nune’e, governu no deputadu sira bele informadu ona kona-ba tempu no uso da palavra iha intervensaun sira”, informa PPN ba jornalista sira iha Parlamentu Nasionál (PN), kinta ne’e.

Nune’e mós, giaun ne’e regula diskursu Primeiru-Ministru no Membru Governu sira tuir tempu ne’ebé iha ona.

Arão Noé esplika, diskusaun orsamentu tuir rejimentu, jeneralidade loron tolu no espesialidade loron 10.

Jornalista : Evaristo Soares Martins

Editór: Xisto Freitas

HAKEREK NO HATÁN

Please enter your comment!
Please enter your name here