Vise Prezidente Parlamentu Nasional, Angelina Sarmento, abertura ba kongresu Nasional Feto Timor leste KNFTL ba da-lima iha Sentru Konvensaun Dili (CCD-sigla portugés). Imajén/Osória Marques.

DILI, 24 outubru 2019 (TATOLI)-Konferénsia nasionál Feto Timor-Leste (KNFTL) ba da-lima ne’ebé durante loron haat nia laran, hosi loron 23 to’o loron 26 outubru ne’e, gasta orsamentu purvolta $78.170.

Notísia Relevante : Rede Feto Elabora Asaun Polítika ba Tinan Haat

Feto Potensiál iha Kongresu Nasionál Feto Timor-Leste ba da-lima iha CCD. Imajen/Osória Marques

Prezidente Komisaun Organizadora,  Yasinta Lujina, informa, orsamentu lubun ne’e gasta ba nesesidade kongresu nian, alojamentu no mós mobilizasaun delegadu sira hosi munisípiu 12 inklui Rejiaun Autónomu Espesiál Oe-cúse Ambeno (RAEOA).

Molok too iha konferénsia nasionál ne’e, ba dala uluk, organiza konferénsia feto potensiál munisípiu sira, inklui RAEOA ne’ebé gasta ona orsamentu purvolta $178.600.

Iha kongresu nasionál ba da-lima ne’e, konsege mobiliza no halibur feto potensiál hosi RAEOA na’in 400, delegada hosi munisípiu 223 ho inan feto potensiál sira hamutuk na’in 100.

Orsamentu hirak ne’e apoiu hosi Gabinete Apoiu Sosiedade Sivíl Gabinete Primeiru-Ministru (GPM), World Vision, UN Women, Plan Internasionál, Oxfam, Timór Gap, Timór Telekom, Embaixada Portugal, Nova Zelándia, Australia, Gabinete Espoza Prezidente Repúblika, WatarAid, Lider Supermerkadu ho Jacinto Group.

Jornalista : Osória Marques

Editór       : Francisco Simões

 

HAKEREK NO HATÁN

Please enter your comment!
Please enter your name here