Prezidente Federasaun Kooperativa Kréditu Hanai Malu, Elizario Ferreira.

DILI, 23 outubru 2019 (TATOLI) – Prezidente Kooperativa Federasaun Hanai Malu, Elizario Ferreira, dehan federasaun ne’e nia grupu produtivu hamutuk 1.200 ne’ebé hala’o atividade karpinteiru, hakiak karau, fahi, loke kioske, tunu ikan no kulinária.

“Federasaun Hanai Malu fó tulun ba grupu produtivu 1.200 liuhosi empréstimu hafoin benefisiáriu sira hodi hakiak ikan, karau, fahi, loke kioske, tunu ikan no kulináriu, ita bele kompara karik grupu produtivu ho porsentu 94 maka funsiona iha Timor-Leste”, Elizario Pereira ba Ajénsia Tatoli, iha Ministériu Solidariedade Sosiál no Inkluzaun, ohin.

Elizario salienta federasaun kréditu iha atividade ne’ebé hala’o ho kategoria tolu maka empréstimu produtivu, empréstimu bem estar no empréstimu emerjénsia.

Hodi esplika katak empréstimu prodútivu maka benefisiáriu sira loke kioske, karpintaria no seluk tan, empréstimu bem estar hanesan benefisiáriu sira sosa bisikleta no motór ba nia oan sira no empréstimu emerjénsia maka benefisiáriu sira karik nia oan hetan dezastre ruma maka sosa aimoruk laiha, entaun bele husu osan mai federasaun hodi halo tratamentu, no benefisiáriu sira kauze porsentu tolu maka benefisia ona.

Federasaun Hanai Malu eziste iha 2010 no konsege halibur ona osan ho totál millaun $5,6, no federasaun ne’e iha membru primáriu hamutuk 89, entre hirak ne’e, haat iha Oekusi, tolu iha Vikeke, nune’e mós iha membru indivíduu hamutuk rihun 16 ne’ebé namkari iha territóriu.

Notísia relevante : Federsaun Hanai Malu Halibur Ona Osan Millaun U$5

Jornalista : Natalino Costa

Editora : Maria Auxiliadora

HAKEREK NO HATÁN

Please enter your comment!
Please enter your name here