Ministru Estadu Prezidénsia Konsellu Ministru , Hermenegildo Augusto Cabral Pereira. Imajen TATOLI/Egas Cristovão
DILI, 23 outubru 2019 (TATOLI) – Ministru Estadu Prezidénsia Konsellu Ministru, Hermenegildo Augusto Cabral Pereira, informa reuniaun ezekutivu iha kuarta ne’e, aziste aprezentasaun husi Ministériu Obra Públika, Salvadór Soares dos Reis Pires no Komisaun Nasionál Aprovizionamentu (CNA-sigla portugés), Aniceto do Rosário, kona-ba fornesimentu kombustível iha sentrál elétrika Hera no Betano.
Antes ne’e, Konsellu Ministru (KM) aprova ona konkursu públiku fornesimentu kombustível ba sentrál elétrika maibé iha kompañia ida maka retira hafoin pasa ona konkursu.
Notísia Relevante: CNA Aprezenta Kompañia Tolu Atu Fornese Kombustível ba Sentrál Eletríka
“Semana kotuk Konsellu Ministru aprova proposta CNA nian atu fornese konbustível ba eletrisidade Hera ho Betano, maibé kompañia ida-ne’ebé parseiru ho kompañia timoroan hakiduk, entaun CNA laiha autoridade hodi deside maka fila hikas mai Konselllu Ministru hodi hola desizaun”, tenik iha Palásiu Governu, kuarta ne’e.
Nia dehan, haree ba situasaun ne’e, KM intende hodi fó instrusaun ba CNA hodi loke foun fali prosedimentu aprovizionamentu, nune’e bele loke fali konkursu públiku hodi bele taka fali falta ne’ebé akontese.
“Atu fó fali de’it ba kompañia seluk ne’ebé tuir mai, maibé sira la manán tanba sira nia osan iha proposta ne’e  barak liu”, nia akresenta.
Nune’e, KM aprova Proposta Deliberasaun reabertura konkursu públiku ba fornesimentu kombustível ba sentrál elétrika Hera ba tinan 2019 no 2020, kona-ba dezisténsia empreza ne’ebé kompoin konkórsiu manan na’in husi konkursu dahuluk.
Jornalista: Julia Chatarina
Editór: Xisto Freitas

HAKEREK NO HATÁN

Please enter your comment!
Please enter your name here