SEPS, Alexandre Xavier de Araújo distirbui apoia emerjensia ba vitima insendiu iha Ermera ho Liquiça. Imajen/Mídia SEPS

DILI, 22 outubru 2019 (TATOLI)—Sekretaria Estadu Protesaun Sivíl (SEPS), ohin, halibur pontu fokál hotu hosi Munisípiu 12, inklui Rejiaun Administrativu Espesiál Oe-Cusse Ambeno (RAEOA) ho diresaun serbisu sira ne’ebé tutela ba SEPS hodi hametin liña koordenasaun.

Notísia Relevante : SEPS Husu Adisionál Millaun $4 Resin Atu Sosa Karreta Bombeiru

Koordenasaun nee nu’udar parte ida hodi reforsa serbisu no halo reflesaun ba inséndiu sira ne’ebé mak akontese fulan hirak ikus ne’e iha territóriu nasionál, liuliu inséndiu ne’ebé akontese iha Munisípiu Ermera, Bobonaro ho Liquiça.

Sekretáriu Estadu Protesaun Sivíl, Alexandrino Xavier de Araújo, konsidera, akontesimentu inséndiu ne’e tanba komunidade iha area remotas seidauk komprende didi’ak  konsekuénsia hosi sunu rai. Tanba ne’e tenke iha duni komunikasaun no koordenasaun atu bele komersializa efeitu la negativa hosi sunu rai.

Liuhosi enkontru ne’e SEPS ‘tatoli’ ba autoridade lokál no pontu fokal sira atu tuun to’o area remotas hodi halo alerta hapara atividade sunu rai ne’ebé fó implikasaun la di’ak ba komunidade nia horik fatin no estraga ambientál.

“Ita hanoin Ida katak besik udan ona no  sunu rai maibé ita lahatene katak ne’e nia impaktu boot tebes nune’e automatikamente bainhira udan, bele halo rai halai no sei akontese tan dezastre naturaís boot liu tan,” afirma Alexandrino Xavier de Araújo.

Dadus provizóriu hosi inséndiu iha Munisípiu Ermera, Bobonaro, Liquiça,  Aileu, Ainaro, Same no Manatuto  purvolta uma kain  700-resin sofre no sai vítima.

“Kona ba fasilidade ita sei menus tebes no daudaun ne’e sei uza nafatin karreta neen  ne’ebé mak nasaun Japaun oferese mai ita. Ita nia Estadu sosa karreta boot ida maibé ita la uza tanba de’it estrada,” afirma Alexandrino Araújo.

Sosa Karreta iha 2020

Haree ba nesesidade no dezastre ne’ebé akontese SEPS tau ona planu atu sosa karreta iha 2020.

“Ita-nia Bombeiru sira ne’e serbisu disiplina tebes, só de’it sira-nia elementu mak sei menus  no ekipamentu sei menus. Tanba ne’e ita presiza tan rekursu no ekipamentu,” hateten Alexandrino Xavier de Araújo.

Jornalista : Osória Marques

Editór       : Francisco Simões

HAKEREK NO HATÁN

Please enter your comment!
Please enter your name here