Provedora Direitu Umanu no Justisa, Jesuína Maria Ferreira Gomes. Imajen/TATOLI

DILI, 22 outubru 2019 (TATOLI)-Provedoria Diretu Umanu no Justisa (PDHJ-sigla portugés), kinta (24/10/2019), sei organiza espozisaun ba ema ho defisiénsia iha Otél Timor hodi fa’an no promove ema ho defisiénsia sira nia  produtu artezanatu no seluk tan.

Provedora Diretu Umanu no Justisa, Jesuína Maria Ferreira Gomes, fó sasin katak, ema ho defisiénsia sira iha abilidade, kriatividade  tékniku hodi prodús produtu artezanatu oioin, maibé seidauk promove no sirkula iha merkadu. Tanba ne’e, PDHJ organiza espozisaun ne’e hodi apoiu promosaun ba produtu artezanatu, resiklajen, suku roupa,  produsaun sapatu no sandália no seluk tan.

“Ema ho defisiénsia la’ós tane liman de’it maibé sira kontribui liuhosi saida maka sira bele halo tanba ne’e ita presiza promove,” informa Provedora Jesuína Maria Ferreira Gomes, ohin, ba Jornalista sira iha Timor Plaza Dili.

Membru partisipante espozisaun ne’e mai hosi Asosiasaun Defisiénsia Timor-Leste (ADTL), Asosiasaun  Halibur Defisiénsia Matan Timor-Leste ho seluk tan.

Jornalista : Agapito dos Santos

Editór       : Francisco Simões

HAKEREK NO HATÁN

Please enter your comment!
Please enter your name here