Xefe Suku Kribas, Eurico Alves. Imajen/Nelson Sousa

KRIBAS, 22 outubru (TATOLI)Durante setembru to’o meadu outubru, tinan ne’e, komunidade Suku Kribas, Munisípiu Manatuto nia fahi hamutuk 840 mak mate.

Notísia Relevante: Fahi Hamutuk 2.145 Mak Mate Ona iha Munisípiu Haat

Xefe Suku Kribas, Eurico Alves, informa kazu animal moras ne’e akontese ona durante fulan rua, maibé  Ministériu Agrikultura no Peska (MAP) seidauk halo intervensaun hodi halo prevensaun ba animal moras ne’ebé daudaun ne’e kontinua da’et hosi fatin ida ba fatin seluk.

“Ami agora preokupa hela ho  problema boot maka  komunidade sira nia fahi moras no mate durante fulan setembru ho outubru,”  informa Xefe Suku, Eurico Alves, ba Ajénsia TATOLI, ohin, iha Kribas, Manatuto.

Notísia Relevante: Númeru Fahi Mate Aumenta

Atu prevene moras animal ne’e labele kontinua da’et, autoridade lokál ne’e,  husu ba Ministériu Agrikultura no Peska (MAP) atu fó atensaun hodi halo prevensaun sedu.

Notísia Relevante: MAP Identifika Fahi Mate Tanba Kauza Husi Moras ASF

Daudaun ne’e,  Xefe Suku ho ninia  komunidade prepara ona karta   atu submete   ba MAP no Autoridade Munisipál hodi koloka serbisu veterinária atu halo prevensaun no vasinasaun ba komunidade sira nia animal.

Notísia Relevante: MAP Sei Konvoka Reuniaun ho Entidade Relevante Hodi Haree ba Prevensaun Moras PSA

“Agora ai-moruk mós laiha derrepente  fahi moras, mear dala ida mate liu,” Eurico Alves hateten.

Xefe Suku Kribas, Eurico Alves halo ona alerta ba komunidade atu evita konsume naan fahi ne’ebé moras tanba sei afeta ba saúde.

Notísia Relevante: Tékniku Veterinária Na’in-Rua Husi Austrália Sei Ajuda MAP Halo Peskiza ba Moras PSA

Jornalista : Nelson de Sousa

Editór       : Francisco Simões

HAKEREK NO HATÁN

Please enter your comment!
Please enter your name here