Prezidente Rede Feto Timor-Leste, Judite Dias Ximenes, hlao entrevista ho jornalista sira. Imajen/Dok.TATOLI

DILI, 22 outubru 2019 (TATOLI)-Organizasaun Rede Feto Timor Leste, Kuarta (23/10/2019), realiza konferénsia nasionál  feto ba da-lima  ho tema “Feto Nia Asaun Determina Dezenvolvimentu Inkluzivu no Sustentável hodi Prodús Polítika no Plataforma Foun ba Feto Durante tinan haat 2019-2023”.

Notísia Relevante : Rede Feto Sei Hala’o Konferénsia Munisipál  Feto TL

Prezidente Rede Feto Timor-Leste (RFTL), Judite Dias Ximenes, informa, ohin, liuhosi konferénsia imprensa iha Caicoli, katak, feto delegada hosi munisípiu 12 inklui Rejiaun Administrativu Espesiál Oe-Cúse Ambeno (RAEOA) hamutuk 400 sei partisipa konferénsia nasionál ne’ atu diskute no hamosu mekanizmu advokasia liuhosi produsaun Plataforma Asaun no halo diálogu entre feto hosi nivel hotu-hotu ho lideransa nasaun.

Notísia Relevante : Rede Feto Konvida Xefe Estadu Loke Kongresu Dalimak

Durante konferénsia ne’e sei diskute mós isu sira ne’ebé relevante ba protesaun diretu feto sira.

Iha tinan 2018 to’o 2019 ne’e Rede Feto hala’o ona konferénsia nivel munisipál iha munisípiu 12 inklui RAEOA ne’ebé partisipa hosi delegada feto 75 to’o na’in 100 ne’ebé reprezenta setór oioin.

Notísia Relevante : Rede Feto Atualiza Preparasaun Kongresu Nasionál ba PPN

Rede Feto Timor-Leste hetan mandatu hosi primeiru kongresu nasionál feto iha tinan 2000 hodi organiza kongresu ba feto kada tinan haat.

Jornalista : Osória Marques

Editór       : Francisco Simões

 

 

HAKEREK NO HATÁN

Please enter your comment!
Please enter your name here