Estátua João Paulo II. Imajen/Dok.Antonio Gonçalves

DILI, 21 outubru 2019 (TATOLI) – Governu liuhosi Sekretaria Estadu Terra no Propriedade (SETP), Mario Ximenes, informa, iha tempu besik, ekipa konjunta sei hasai obrigatóriu komunidade sira ne’ebé konstrui uma iha besik estátua João Paulo  II no mós iha besik sítiu relijiozu Tasi Tolu nian.

Notísia Relevante : SETP Sobu Uma 36 iha Tasi Tolu

Ekipa konjunta ne’e kompostu hosi Ministériu Justisa liuhosi SETP, Sekretaria Estadu Meiu Ambiente, Ministériu Estatál ne’ebé reprezenta hosi Munisípiu Dili, Polisia Nasional Timor-Leste (PNTL) ho korpu Seguransa Sivíl.

“Ha’u hanoin uma sira ne’ebé mak hela besik fatin turístika João Paulo II no fatin relijioza João Paulo II sei ba hasai tan,” informa SETP Mario Ximenes, ohin, ba Ajénsia TATOLI iha Ministériu Justisa, Dili.

Governu konsidera komunidade hirak ne’ebé konstrui uma iha sítiu turístiku relijiozu nee  fó imajen ne’ebé mak la di’ak ba iha públiku no turista sira estranjeiru sira.

Nia hateten, mezmu difisil ba Governu atu foti desizaun, maibé Governu mós iha obrigasaun atu asegura fatin turístiku sira no asegura zona protejida.

Jornalista : Domingos Piedade Freitas

Editór       : Francisco Simões

HAKEREK NO HATÁN

Please enter your comment!
Please enter your name here