Embaixadór Alemaña ba Indonézia no Timor-Leste, Peter Schoof entrega sertifikadu ba Ministru Reforma Legislativa Asuntus Parlamentares, Fidelis Manuel Leite Magalhães akomapaña hosi Diretór Sentru Nasionál Empregu no Formasaun (CNEFP), Simão Tito Barreto iha Sentru Formasaun Tibar, sesta (18/10). Imajen/Alemaña

DILI, 21 outubru 2019 (TATOLI)-Unidade Treinamentu Timorense-Alemaña ou Timorense German-Maritime Training Unit (TGMTU) hosi Sentru Nasionál Empregu no Formasaun (CNEFP-sigla Portugés), Tibar, Dili, hetan rekoñesimentu sertifikadu ISO 9001:2015.

Atribuisaun sertifikadu ne’e nu’udar rekoñesimentu hosi serbisu kooperasaun hamutuk entre Governu Timor-Leste no Governu Alemaña ho naran “Konsellu no Treinamentu Relasiona ho Indústria Marítima iha Timor-Leste”.

Sertifikadu ne’e entrega direita hosi Embaixadór Alemaña ba Indonézia no Timor-Leste, Peter Schoof ba Ministru Reforma Legislative  Asuntu Parlamenteres, Fidelis Manuel Leite Magalhães,  akompaña hosi Diretór Sentru Nasionál Empregu no Formasaun (CNEFP), Simão Tito Barreto  iha Sentru Formasaun Tibar, sesta (18/10/2019).

Embaixadór Alemaña ba Indonézia no Timor-Leste, Peter Schoof konsidera sertifikadu ISO 9001:2015 ne’e nu’udar primeiru  sertifikadu rekoñesimentu hosi rezultadu serbisu kooperasaun entre Unidade Treinamentu Marítima Timorense no Alemaña.

Unidade Treinamentu Timorense-Alemaña ou ranotese-German Maritime Training Unit (TGMTU) hosi Sentru Nasionál Empregu no Formasaun Profisionál (CNEFP) Timor-Leste orgullu tebes hetan prémiu sertifikasaun ISO 9001.2015.

Komunikadu imprensa ne’ebé Ajénsia TATOLI asesu ohin, relata katak, rekoñesimentu globál ida ne’e padraun jestaun kualidade asegura TGMTU nia lideransa no funsionáriu sira komprometidu atu kontinua hadi’a unidade sistema kualidade jestaun ho nia eskopu mak “Dezeña no Edukasaun no Treinamentu Marítima”.

Durante enkontru regulár Komité Konsellu Konsultivu (TGMTU) nian, iha diskusaun kona-ba oinsá atu asegura kualidade hala’o serbisu no satisfasaun kliente, desizaun proativu atu hetan sertifikadu  ISO 9001:2015.

Funsionáriu   TGWU hetan ona treinamentu adekuadamentu no unidade liuhosi prosesu avaliasaun, apuramentu non konformidade rezerva sistema jestaun dokumentasaun.

Audita esterna ida ne’e hala’o iha loron 17-18 setembru 2018 hosi organizasaun sertifikasaun RINA. Rezultadu hosi audita esterna ne’e konfirmadu iha nia konformidade kona-ba kualidade sistema jestaun unidade nian no padraun ISO 9001:2015 liuhosi prémiu sertifikadu ne’e.

Jornalista : Eugénio Pereira

Editór        : Francisco Simões

HAKEREK NO HATÁN

Please enter your comment!
Please enter your name here