Ilustrasaun

DILI, 21 outubru 2019 ( TATOLI)—Adjuntu Autoridade Munisipiu Dili, Zeka Smith, hateten programa kontrola moras la hada’et tropikál abandonadu ne’ebé autoridade munisípiu hala’o ona primeira no segundu faze no ba terseiru faze kontinua serbisu hamutuk ho Ministériu Saúde (MS)  hodi implementa nafatin programa ne’e ba komunidade liuliu labarik sira ne’ebé mak hetan lombringa.

Adjuntu Autoridade Munisípiu Dili, José Filipe Ximenes Smith.

Nia hateten, autoridade munisipál iha liña kooperasaun ne’ebé lubuk hodi halo prevensaun ne’ebé mak atu halo  iha Dili laran no mós  iha Timor laran tomak. Tanba ne’e, husu ba entidade tomak nia kontribuisaun no husu apoia ba hotu-hotu atu serbisu hamutuk ho Ministériu Saúde ba programa lumbringa ba labarik ne’e.

“Autoridade Munisípiu Dili hanesan fontes ida ne’ebé mak ligasaun ho setór ida ne’ebé mak iha programa saúde nian hodi tun diretamenente ba ita-nia sidadaun sira iha baze. Tanba ne’e, serbisu Munisipál Dili atu halo programa ruma iha lejitimidade atu husu apoiu totál ba Autoridade Munisípiu Dili, Administradór Postu sira, setór relevante sira-nia kbiit no forsa mak bele  apoiu  programa hirak ne’e. Ministeriu Saúde labele  mesak maibé tenke koopera ho entidade hotu hotu,” dehan Adjuntu Autoridade Munisípiu Dili, Zeka Smith, hato’o liuhusi deskursu iha enkontru ho Administradór Postu no Pesoál Saúde sira iha Bairo Formosa, ohin.

Nia hatutan, agora daudaun sira prepara hela programa lubuk ida ne’ebé mak sira la’o hamutuk ho Minstériu Saúde durante ne’e mak prevensaun lumbringa ba labarik sira ne’ebé hetan lumbringa. Bainhira la halo prevensaun mak dalaruma moras ne’e ameasadu no perigu ba labarik sira-nia vida.

“Xefe suku, xefe aldeia, no administradór postu sira mak papulasaun nia inan-aman iha kraik. Tanba ne’e mak Ministériu Saúde bolu ita mai atu rona planu sira ne’e. Primeiru, saida mak ita atu halo. Entaun, tempu ne’ebé mak ita atu fó pelumenus iha mudansa ruma no kondisaun uluk dehan amesadu, ita halo sosializasaun hodi halo asaun direta ba programa lumbringa ida ne’e.” nia dehan.

Iha ne’e, nia heteten, reprezentante Ministériu Agrikulura no reprezentante Ministériu Edukasaun importante tanba alunus barak iha ministériu edukasaun nia liman. Iha ne’e Ministériu Agrikultura sei koopera ho Saúde Alimentár hodi haree alimentasaun. Entaun, iha munisípiu barak mós afetadu ba saúde alimentár no nia konsekuénsia iha saúde alimentár ne’e mós bele fó impaktu ba populasaun nia saúde no mós labarik sira afetadu hotu ba moras lunbringa ne’e rasik.

Tanba ne’e, nia haktuir, Munisípiu Dili kontinua serbisu hamutuk ho Mnistériu Saúde nafatin hodi husu autoridade sira atu tau hanoin hamutuk hodi haree ba  primeira no segundu faze ne’ebé hetan  difikuldade. Agora terseira faze, buat ne’ebé importante mak mai tau hanoin  hamutuk hodi kontinua nafatin serbisu no ba programa ne’e nia susesu ba oin.

Enkontru refere lidera husi Adjuntu Autoridade Munisípiu Dili ne’ebé partisipa husi Diretora Saúde Munisipiál Dili, adminsitardór postu sira husi postu haat iha Dili, reprezentante Ministériu Eduaksaun no representante Ministériu Agrikultura inklui mós pesoál saúde sira.

Jornalista: Felicidade Ximenes

Editór      : Rafy Belo

HAKEREK NO HATÁN

Please enter your comment!
Please enter your name here