oradór internasionál hosi Australia, Indonézia ho Portugal iha seminariu internasionál Protesaun Sivíl. Imajen/Nelson de Sousa

DILI, 19  outubru 2019 (TATOLI)—Semináriu internasionál loron rua; kinta-sesta (17-18/10/2019), ne’ebé organiza hosi Sekretaria Estadu Protesaun Sivíl (SEPS) hakotu ho ideia formulasaun rua ne’ebé sai fundamentu ba oinsá bele apoiu ho efikásia no efisiénsia ba serbisu protesaun sivíl nian.

Notísia Relevante : SEPS Realiza Konferénsia Internasionál ba Sistema Protesaun Sivíl 

SEPS Alexandrino Xavier Araújo foto hamutuk ho oradór internasionál sira. Imajen/Nelson de Sousa

Ideia fundamentu rua ne’ebé sai rekomendasaun hosi oradór internasionál ho nasionál sira mak; ida, hametin liña koordenasaun no ida seluk, maneira prevensaun di’ak. Nune’e, bele apoiu liu tan serbisu protesaun sivíl nian.

Sekretáriu Estadu Protesaun Sivíl   (SEPS), Alexandrino Xavier Araújo, argumenta, ideia formula rua ne’e pertenti no importante atu liña ministeriais   iha koordenasaun no prevensaun atu la bele iha dupla funsaun ba serbisu protesaun sivíl nian.

Notísia Relevante : SEPS Prioridade Dezenvolve Área Protesaun Sivíl

Kona-ba prevensaun, Alexandrino Xavier Araújo esplika,  presiza  hala’o oinsá hamenus konsekuénsia hosi dezastre naturaís no hala’o  sosializasaun antes, liuliu  oinsá atu halo evakuasaun ba komunidade bainhira akontese dezastre.

Durante semináriu internasionál ne’e oradór sira mós partilla   mekanizmu hanesan situasaun prátiku dezastre naturaís ne’ebé akontese hanesan tasi sa’e, rai nakdoko, rai monu no ahi han rai (inséndiu) atu iha liña koordenasaun entre sosiedade, komunidade ho governu

Iha sesaun ikus hosi semináriu ne’e, SEPS lori governu nia naran hato’o agradesimentu boot ba oradór nasionál ho internasionál sira hotu ne’ebé dedika sira nia tempu no sira nia vontade boot hodi kontribui partilla esperiénsia no matenek.

SEPS mós entrega prenda nu’udar lembransa ba oradór internasionál hosi Australia, Indonézia ho Portugal.

 Jornalista : Nelson de Sousa

Editór       : Francisco Simões

HAKEREK NO HATÁN

Please enter your comment!
Please enter your name here