Ema ho defisiénsia sira, simu negosiadór prinsipál fronteira maritima Kay Rala Xanana Gusmão. Imajen/ António Goncalves

DILI, 19 outubru 2019 (TATOLI)—Komisaun Funsaun Públiku (CFP-sigla Portugés) seidauk iha baze dadus fiksu kona-ba ema ho defisiénsia ne’ebé mak serbí iha instituisaun estadu hanesan funsionáriu públiku. Tanba ne’e, KFP forma ona ekipa latu halo levantamentu dadus kona-ba situasaun ne’e.

Notísia Relevante : Governu Konsidera Ejijénsia ADTL Kona-ba Ratifikasaun Konvensaun Direitu EHD

Prezidente Komisaun Funsaun Públika (CFP-sigla portugés), Faustino Cardoso. Imajen/Antonio Goncalves

Prezidente KFP, Faustino Cardoso hateten, KFP foin lalais ne’e halo ona levantamentu dadus ida atu hatene no inteira loloos kona-ba KFP nia situasaun liga ba ema ho defisiénsia.

“Ami iha ekipa tékniku ida ne’ebé mak tun tiha ona ho apoiu husi DIVAT no Embaixada Austrália nian ne’ebé mak fasilita lojístika no téknikamente iha terrenu hodi buka dadus kona ba ema ho defisiénsia iha Funsaun Públika,” hateten Prezidente KFP, Faustino Cardoso, hodi responde jornalista sira iha Otél Ramelau, Dili, sesta (18/10/2019).

Notísia Relevante : Governu Sei Kria Uluk Kondisaun ba Ema ho Defisiénsia

Faustino Cardoso promete katak, iha tempu besik nia laran  KFP sei iha relatóriu ida kona ba situasaun ema ho defisiénsia mak serbí estadu iha instituisaun estadu nian hanesan funsionáriu públiku.

Nia hateten, iha prosesu rekrutamentu funsaun públiku sei la diskrimina nia sidadaun sira. Tanba Konstituisaun RDTL asegura sidadaun hotu nia direitu hanesan no Timor-Leste mós komprometidu atu asegura polítika “La Husik Ema Ida Iha Kotuk”.

“Iha balu ne’ebé mak kontinua kestiona kona-ba regras no prosedimentu rekrutamentu nian dala barak balu ladún sensível ba iha ema ho defisiénsia. ida ne’e ami anota no dala barak mós ami hala’o enkontru ho maluk sira ho defisiénsia  mós kestiona hela kestaun hirak ne’e.  Nune’e ami buka haree atu oinsá mak preokupasaun ne’ebé bele implementa  liuhosi polítika balu,” afirma Faustino Cardoso.

Jornalista : Osória Marques

Editór       : Francisco Simões

HAKEREK NO HATÁN

Please enter your comment!
Please enter your name here