Diretór Ezekutivu SERVE,IP, Florêncio Sanches. Imajen/Tatoli.

DILI, 18 outubru 2019 (TATOLI) – Diretór Ezekutivu Servisu Rejistrasaun no Verifikasaun Emprezariál (SERVE), Florêncio Sanches, relata hahú hosi janeiru to’o juñu 2019, SERVE koleta osan hamutuk rihun $200-resin ba Estadu liuhosi renovasaun ba lisensiamentu emprezariál.

“Reseita sira ne’e mai husi kompañia sira ne’ebé maka halo rejistu lisensiamentu negósiu ba sira-nian atividade negósiu nian iha SERVE no mós halo renovasaun lisensiamentu sertidaun sira”, informa Florêncio Sanches ba Ajénsia Tatoli iha nia knaar fatin, Matadouru, ohin.

Nia hatutan taxa ne’ebé SERVE rekolla ne’e mai hosi taxa envolvimentu SERVE nian, ne’ebé halo diretamente hosi emprezáriu sira ne’ebé rejistu lisensiamentu negósiu no renova sertidaun ne’ebé selu iha Banku Nasionál Komérsiu Timor-Leste (BNCTL).

Nia subliña katak taxa iha oin rua, ida maka envolvimentu direta ne’ebé responsabiliza hosi SERVE no tributária rekolla hosi Ministériu Finansa.

Notísia relevante : SERVE Rejista Ona Komersiál 21.633

Jornalista : Natalino Costa

Editora : Maria Auxiliadora

HAKEREK NO HATÁN

Please enter your comment!
Please enter your name here