Ministra Solidariedade Sosiál no Inkluzaun Armanda Berta dos Santos. Imajen/António Goncalves

DILI, 18 outubru 2019 (TATOLI)-Ministra Solidariedade Sosiál no Inkluzaun (MSSI), Armanda Berta dos Santos, Kinta (17/10/2019),  hamutuk ho komunidade Aldeia Lepa, Suku Leota’ala, Postu Administrativu Liquiça, Munisípiu Liquiça, komemora loron mundiál feto rurál ho tema ‘Feto no Labarik Feto La’ós Alvu ba Violénsia’.

Notísia Relevante : GMPTL Hato’o Parabéns ba Feto Rurál Hotu Iha TL

Komunikadu imprensa husi MSSI ne’ebé Ajénsia TATOLI asesu informa, Ministra Armanda Berta dos Santos, hato’o parabens ba feto no labarik feto  hotu iha territóriu liuliu feto iha Suku Leota’ala,  tanba feto iha mós papél importante ba dezenvolvimentu nasaun.

Notísia Relevante : KM Aprova Dokumentu Espesiál Polítika Estratéjia Governu Ba Feto Rurál

Nia rekoñese feto no labarik feto barak sei moris iha izolamentu, falta informasaun, asesu edukasaun ho di’ak, menus informasaun kona-ba violénsia doméstika, asesu ekonomia no kampu servisu no seluk tan.

Notísia Relevante : Dezenvolvimentu Sosiedade Rurál Presiza Kontribuisaun Inan Feton Sira

Governu sei hadi’a polítika hodi fó oportunidade ba feto no labarik feto hodi asesu edukasaun inkluzivu, asesu saúde gratuita, subsídiu ba idózus no invalidés, bolsa ba inan (Bolsa da Mãe).

“Programa sira ne’e implementa ona husi ita nia Governu, hein katak programa sira ne’e sei fazeadamente kontribui ba hamenus ki’ak no mukit iha ita nia rai,  povu barak maka moris iha vulnerabilidade  nia laran, MSSI iha tinan oin mai sei tau prioridade ba família kbi’it  laek , atu tau matan ba sira nia alimentasaun no sustentabilidade ba loron-loron nian,” hateten Ministra Armanda Berta dos Santos.

Xefe Suku Leota’ala,   Manuel da Silva do Santos, rekomenda ba Sekretáriu Estadu Igualdade no Inkluzaun atu halo sensibilizasaun ba inan feto sira kona-ba lei violénsia doméstika para evita violénsia hasoru feto no labarik.

Notísia Relevante : Feto Sei Menus iha Kobertura Media

Jornalista : Nelson de Sousa

Editór       : Francisco Simões

HAKEREK NO HATÁN

Please enter your comment!
Please enter your name here