Embaixadór Uniaun Europeia iha Timor-Leste, Andrew Jacobs. Imajen/rnz.co.nz

DILI, 17 outubru 2019 (TATOLI)—Embaixadór Uniaun Europeia foun ba Timor-Leste, Andrew Jacobs, hateten Uniaun Europeia (UE) iha Fundus Dezenvolvimentu (FD) husi 2014 to’o agora £95 milloens no konverte ba dolar karik $105 (cento e cinco milhões).

“Uniaun Europeia finansia ba iha setór rua mak setór boa governasaun ho dezenvolvimentu rurál. Fundu sira ne’e fó iha grant ninian seidauk iha emprestimu Governu Timor-Leste ninian,” dehan Embaixadór Uniaun Europeia foun ba Timor-Leste, Andrew Jacobs, ba jornalista sira iha Ministériu Finansas Ai-tarak laran, Dili, kinta (17/10/2019).

Ba futuru, nia hatutan, iha tempu badak nia laran União Europeia sei hahú hala’o negosiasaun ho Governu Timor-Leste liuhusi Ministériu Negósiu Estranjeiru no Kooperasaun (MNEK) atu define no deside setór saida mak Governu Timor-Leste tau ba iha prioridade.

Nia informa, agora daudaun fundus sira ne’e hotu fó ba Governu Timor-Leste iha termus de granja (gratuita lá selu fila fali). Maibé União Europeia mós iha ninia Banku de Investimentu União Europeia ne’ebé ninia eskritoriu seidauk eziste iha Timor-Leste maibé sei bele serbisu iha àrea emprestimu ninian.

Em principio to’o agora ami satisfeitu ho serbisu ne’ebé agora daudaun Uniaun Europeia ho Timor-Leste hala’o hafoin ajuda sira ne’e la’ós inventa de’it maibé bazeia ba planu estratéjiku Governu ninian. To’o ohin loron, ami satisfeitu ho rezultadu ne’ebé ami alkansa tiha ona,” nia dehan.

Notísia relevante:“Uniaun Europeia No Timor Leste Atentu Ba Dezafiu Globál”

Jornalista : Nelia Fernandes

Editór      : Rafy Belo

HAKEREK NO HATÁN

Please enter your comment!
Please enter your name here