Sekretáriu Ezekutivu Komisaun Nasionál Kombate HIV-SIDA, Daniel Marçal

DILI, 17 outubru 2019 (TATOLI)– Komisaun Nasionál Kombate HIV-SIDA Timor-Leste (CNCS-TL, sigla portugés) serbisu hamutuk ho Ministeriu Saúde liuhusi unidade nasionál programa HIV/SIDA oferese treinamentu kona-ba HIV/SIDA profisionál saúde hanesan médiku, enfermeiru no parteira inklui tékniku laboratóriu hamutuk na´in 33 husi munisípiu 12 inklui RAEOA (Rejiaun Autónoma Espesiál Oe-cusse-Ambeno), durante loron rua, hahú horseik no sei ramata ohin.

Treinamentu ne´e kona-ba prevensaun, transmisaun HIV/SIDA no oinsá fó atendimentu di´ak no dignu ba ita-nia maluk sira ne’ebé moris ho problema HIV/SIDA.

“Ida ne’e mós garantia ema nia moris hodi halo estaminasaun maibé bainhira la iha ona estaminasaun entaun ne´e fó oprtunidade ba ema hotu hakarak teste raan. euandu ema barak mai testu raan ne’e oportunidade diak para halo intervensaun lalais ba sira nia aan rasik,” hateten Sekretáriu Ezekutivu, Daniel Marçal ba jornalista sira, horseik.

Tanba ne’e, tuir nia, CNCS-TL serbisu hamutuk ho MS konvida profisionál saúde sira partisipa treinamentu kona-ba HIV/SIDA hodi aumenta sira-nia kapasidade hodi fó atendimentu di´ak ba idaidak nia postu saúde sira.

Sekretáriu Ezekutivu CNCS-TL ne´e hatutan, CNCS-TL ho MS oferese treinamentu barak ona  no halo bebeik ona iha Timór laran.

“Espera katak loron rua ne’e prepara sira didi´ak hodi fila fali ba sira idaidak nia munisípiu para oinsá luta nafatin, fó atendimentu di´ak ba ema ho HIV/SIDA. Ema hirak ne’ebé tuir treinamentu ne’e husi pesoál saúde de´it hamutuk 33 para halo atendimentu di´ak b maluk sira ne’ebé mak hetan HIV tanba ne’e sira fila krk ho koñesimentu di´ak hodi fó tratamentu ba pasiente ne´ebé hetan problema HIV”.

Sekretáriu Ezekutivu Daniel Marçal konsidera katak ema moris ho HIV iha maibé sira la satisfas ho hahalok balun. Maske nune´e, nia fiar katak pesoál saúde sira halo ona servisu ho másimu ne’ebé ita hare katak problema HIV uluk boot maibé agora ita redúss ona tanba ita atu halo tratamentu ba ema ho moras HIV tenke iha pasiénsia ba sira.

“Mane ne’ebé la iha HIV, feto ne’ebé la iha HIV ne’e di´ak maibé sira rua mak iha HIV bele da´et fali ba labarik no labarik moris mai bele risku boot. Ne’ebé, kazu ida inan da´et ba aman ikus mai da´et ba oan ne’e tanba dalabarak ona moris mai hemu ai-moruk no konsekuénsia husi inan no aman ne’e mak iha virus hodi da´et ba oan”.

“Hahalok inan-aman nian maibé oan mak terus tan tanba da´et ona moras ne’e tanba ne’e mak ha´u hateten ba imi lalika moe, lalika ta´uk iha ona problema ho moras HIV ba fasilidade saúde hodi halo tratamentu ba moras ida ne’e,” insiste Sekretáriu Ezekutivu CNCS-TL, Daniel Marçal.

Jornalista: Felicidade Ximenes

Editór     : Rafy Belo

HAKEREK NO HATÁN

Please enter your comment!
Please enter your name here