Carlos Colo abitante suku Abani, sub rejiaun Pasabe, Rejiaun Administrativa Espesiál Oekusi Ambenu (RAEOA), bainhira dada-lia ho Tatoli kuarta ne’e iha merkadu Baoknana, aldeia Citrana, sub rejiaun Nitibe. Imajen Jogerjo Guterres

OEKUSI, 16 outubru 2019 (TATOLI) – “Ami la husu buat seluk, ami husu de’it loke fali merkadu iha área fronteira”, Carlos Colo abitante suku Abani, sub rejiaun Pasabe, Rejiaun Administrativa Espesiál Oekusi Ambenu (RAEOA) ba Tatoli kuarta ne’e iha merkadu Baoknana, aldeia Citrana, sub rejiaun Nitibe.

Ho bua-mama ne’ebé kulit kinur ona, butuk ida ho fuan lima iha fatin 10, aman ho oan nain tolu ne’e tenke la’o hosi sub rejiaun ida ba rejiaun seluk hodi buka merkadu, sustenta oan sira-nian nesesidade edukasaun.

Kuandu atividade negósia ramata, liman fuan 10 ne’ebé ho idade 50 itál ne’e ho lian-Baikenu konfesa kumu $10 mesmu hakur foho no mota, tanba oan sira-nian futuru.

Kabala tais. Ibun mean hosi idade labarik, to’o sira ne’ebé servisu iha fatin públiku, Carlos Colo ne’ebé oan dahuluk buka matenek iha Universidade ba Dame (UNPAZ, iha portugés), oan daruak iha ensinu sekundáriu no datoluk iha terseiru siklu, akresenta hodi husu ba autoridade rejiaun atu loke fali merkadu iha área fronteira Pásabe.

“Kuandu taka tiha merkadu iha fronteira, ami sira moris ho bisnis (negósiu) ne’e labele moris,  tanba ami la iha rai atu halo toos, ami nia toos mak merkadu”, afirma Carlos.

Desde uluk, nia dehan sira moris ho fa’an bua no balada iha fronteira, ajuda tebes atu sustenta moris inkui selu oan sira nia eskola.

rezultadu finál sensu 2015. Fonte portál MF

“Situasaun ne’e halo ami triste loos, tanba ami labele fa’an ami nia sasán, antes ne’e ami fa’an sasán livre, no ami hetan osan natoon ba ami nia nesesidade, inklui selu oan sira nia eskola”, realsa. Hatutan tan: “Ami la husu buat seluk, ami husu de’it mak loke merkadu iha fronteira”.

Situasaun ne’e, tuir nia afeta ba sirkulasaun osan iha merkadu. Tuir rezultadu finál sensu 2015, totál populasaun Abani 6,323, mane 3,109 no feto 3,214.

Jornalista: Cipriano Colo

Editora: Rita Almeida

HAKEREK NO HATÁN

Please enter your comment!
Please enter your name here