iklan

NASIONÁL, JUSTISA

24 Outubru, PTR Fó Posse ba Juis Administradór Sira

24 Outubru, PTR Fó Posse ba Juis Administradór Sira

Prezidente Tribunál Rekursu (PTR), Deolindo dos Santos. Imajen Tatoli/Egas Cristóvão

DILI, 17 outubru 2019 (TATOLI) – Prezidente Tribunal Rekursu (PTR), Deolindo dos Santos, sei fó posse ba juis administradór Tribunal Distritál Dili, Suai, ho Baucau iha loron 24 outubru, tinan ne’e.

Juis Administradór Dili ne’ebé atu simu posse mak Juis Afonso Carmona, Juis  Administradór Baucau mak José Gonçalves, Juiz Administradór Suai mak José Maria de Araújo ho Juis Administradór Oe-Cusse mak Hugo Rui, mas nia serimónia posse sei adia fali tanba Juis Hugo Rui sei tuir hela formasaun iha rai li’ur.

“Juis Administradór ida mak sei pendente hela tanba tuir hela formasaun iha rai li’ur, informa Deolindo dos Santos, ba Ajénsia TATOLI, ohin, iha edifísiu Tribunal Rekursu, Caicoli, Dili.

Jornalista : Domingos Piedade Freitas

Editór       : Francisco Simões

iklan
iklan

Leave a Reply

iklan
error: Content is protected !!