Primeiru-Ministru, Taur Matan Ruak, prezide Reuniaun Konsellu Ministru iha Palásiu Governu, Dili, Kuarta (16/10/2019). Imajen TATOLI/Egas Cristovão

DILI, 16 outubru 2019 (TATOLI) – Ministru Negósiu Estranjeiru no Kooperasaun, Dionísio Babo Soares, iha kuarta ne’e, aprezenta lista kandidatura Embaixadór Timor-Leste ba rai-liur, iha Konsellu Ministru (KM).

“Ohin Ministru Negósiu Estranjeiru no Koopersaun aprezenta lista kandidatura embaxadór na’in-tolu hanesan lista hirak ne’ebé uluk hato’o ona. Maibé ida-ne’e sei iha prosesu hato’o ba Prezidente Repúblika”, tenik Ministru Estadu Prezidénsia Konsellu Ministru, Hermenegildo Augusto Cabral Pereira, iha Palásiu Governu hafoin reuniaun ezekutivu.

Governante ne’e informa, Embaxadór hirak ne’e sei hala’o misaun diplomátiku iha nasaun Vatikanu, Laos no Singapura.

Maibé kona-ba naran embaixadór, nia rejeita fó sai tamba seidauk aprezenta ba Xefe Estadu.

Antes ne’e, lista kandidatu embaixadór sira ne’ebé Governu haruka ba Prezidente Repúblika (PR), Francisco Guterres ‘Lú Olo’ maka hanesan:

  1. Inês Maria de Almeida, Embaixadora TL ba Camberra, Austrália
  2. Gil da Costa, Embaixadór TL ba Reinu Unidu Gra Británia no Irlanda Norte
  3. José Luís Guterres, embaixadór TL ba Konfederasaun Suiça
  4. Paulo Assis Belo, embaixadór TL ba Repúblika Moçambique
  5. Lisualdo Menezes Coimbra Gaspar, embaixadór TL ba Wellingtong, Nova Zelándia
  6. Isílio António de Fátima Coelho da Silva, embaixadór TL ba Washington DC, EUA
  7. Isabel Amaral Guterres, embaixadora TL ba Lisboa, Portugal
  8. Isabel Amaral Guterres, reprezentante permanente TL ba sekretariadu ezekutivu ba komunidade nasaun ho lian portugés (CPLP)
  9. Isabel Amaral Guterres, embaixadora la rezidente TL ba Repúblika Cabo Verde.
  10. Olímpio Maria Alves Gomes Miranda Branco, embaixadór TL ba Repúblika Brazíl
  11. Maria Natália Guterres Viegas Carrascalão, embaixadora ba Singapura
  12. Ilídio Ximenes da Costa, embaixadór TL ba Japaun
  13. Hermenegildo Lopez, embaixadór TL ba Kambódia
  14. Abrão dos Santos, embaixadór TL ba Repúblika Populár Xina
  15. Joanna Veneranda Amaral, embaixadora TL ba Santa Sé
  16. Armandina Maria Gusmão dos Santos, embaixadora TL ba Reinu Tailándia.

Hosi lista ne’e, na’in-tolu mak simu ona pose no dezloka ona ba nasaun ne’ebé atu ba, no restante sei pendente.

Entretantu, iha loron 13 agostu, PR Lú Olo fó pose ona ba Embaixadór Timor-Leste na’in-tolu hanesan Olímpio Branco nu’udar Embaixadór ba Brazíl, hodi troka Embaixadór Gregório de Sousa, Isílio Coelho nu’udar Embaixadór ba Estadu Unidu Amérika (EUA), hodi troka Embaixadór Domingos Sarmento Alves no Lisualdo Gaspar nu’udar Embaixadór ba Nova Zelándia hodi troka Embaixadór Cristiano da Costa.

Jornalista: Hortençio Sanchez

Editór: Xisto Freitas

HAKEREK NO HATÁN

Please enter your comment!
Please enter your name here