DILI, 16 outubru 2019 (TATOLI)-Kuda ai-oan nu’udar meius ida atu próteze ambiente ba prevensaun dezastre naturaís, tanba ne’e Governu liuhosi Diresaun Protesaun Sivíl apela ba sidadaun hotu-hotu hodi kontribui ba kuda ai-oan iha ida-idak nia hela fatin.
Notísia Relevante:Evita Sunu Rai Arbiru
Diretór Jerál husi Sekretáriu Estadu Protesaun Sivíl (SEPS) Superintendente Xefe Polisia, Ismael da Costa Babo, afirma ida lia hirak ne’e relasiona ho komemorasaun loron mundiál dezastre naturaís ne’ebé kada tinan mundu selebra inklui Timor-Leste iha loron 13 fulan Outubru.
Notísia Relevante:Tesi Ai Arbiru no Lixu Fó Ameasa Ba Biodiversidade
Iha tinan ne’e, Timor-Leste selebra loron Mundiál ne’e iha Munisípiu Lautem iha tersa (15/10).
Notísia Relevante:Loron Mundiál Ambiente, Labele Soe Lixu Arbiru!
Nia orgullu ho inisiativa husi Prezidente Repúblika, Francisco Guterres Lú Olo, kona-ba programa ema ida kuda ai-oan ida tanba meius ida atu hamatak no próteze ambiente iha territóriu.
“Dezastre naturaís ne’e ita hotu nia responsabilidade tanba ne’e husu sidadaun hotu kuda ai-oan halo matak ita nia rai hodi próteze ita nia rain husi dezastre naturaís saida de’it,” hateten Ismael da Costa Babo ba Ajénsia TATOLI, Kuarta (16/10) iha Caicoli.
Notísia Relevante:Governu Re-define Polítika Asesu Ba Fundu Prevensaun Mudansa Klimátika
Nia hatutan tan, sidadaun ida-idak mós tenke iha konsiénsia atu labele tesi ai horis, sunu rai arbiru hodi halo prevensaun ba risku dezastre rai monu, mota sobu, inséndiu ahi han rai no seluk tan.
“Sira ne’ebé hela iha área risku dezastre hanesan mota ibun, rai lolon, tasi ninin atu labele hela,” hateten Ismail Babo.
Jornalista : Nelson de Sousa
Editór : Francisco Simões