Ministru Defeza no Ministru Interiór Interinu, Filomeno da Paixão de Jesus. Imajen/Egas Cristóvão

DILI, 17 outubru 2019 (TATOLI)-Ministru Defeza no Ministru Interiór Interinu, Filomeno da Paixão de Jesus, fó ona orientasaun ba Komandu Polisia Nasionál Timor-Leste (PNTL) hodi reforsa tan númeru Polisia Unidade Patrullamentu Fronteira (UPF) iha Aeroportu Internasionál Prezidente Nicolau Lobato, Comoro, Dili.

Notísia Relevante : Suspeitu Uza Motor Atu Soke Aviaun Sriwijaya La’ós Joven

Orientasaun Governu  atu asegura di’ak liután seguransa iha Aeroportu hodi evita repetisaun ba kazu suspeitu  ho inisiál CDJ ne’ebé tenta soke aviaun Sriwijaya Air  iha  segunda (14/10/2019),  tuku 14:00 Otl.

“Ha’u preokupa tebetebes no ko’alia ona ho Komandante Jerál PNTL  hodi foti medida imediata  no reforsa kedas ho Unidade Patrullamentu Fronteira (UPF)  ba iha Aeroportu,” afirma Ministru Filomeno Paixão, hodi responde jornalista sira, ohin, iha Palásiu Governu.

Ministru Paixão mós  husu ona ba Komandante PNTL atu loke investigasaun profunda hasoru membru UPF ne’ebé maka  tama servisu iha momentu  ne’ebá hodi fó livre suspeitu tama to’o área proibidu (pista) Aeroportu nian.

Notísia Relevante: MTK Relata Kronolojia Suspeitu Lori Motór Tenta Xoke Aviaun ba KM

”Tanbasá ema tama livre de’it ita bele dehan ema ne’e lanu ou  problema emosionál  mak tama ba maibé,  ema seluk  aproveita halo nusa, ida ne’e ita nia naran monu  kedas  iha nasaun sira seluk nia oin”,  Ministru Paixão lamentavel tebes.

 Jornalista         : Nelson de Sousa

Editór                : Francisco Simões

HAKEREK NO HATÁN

Please enter your comment!
Please enter your name here