Rebentamentu fatuk ne'ebé halo husi empreza China Harbour iha Kaitehu, Suku Mota Ulun. Foto/António Gonçalves.

DILI, 16 outubru 2019 (TATOLI) – Tribunal Distritál Dili (TDD), hasai ona notifikasaun ba kazu disputa rai iha Kaitheu entre kompañia Marino Enterprises no China Harbour. Nune’e, iha loron 29  outubru 2019, tuku 14:00 OTL, Tribunál sei rona sasin husi kompañia internasionál China Harbour.

Notísia Relevante : China Harbour Hatama Ona Nia Opozisaun ba “Providénsia Kautelar” iha TDD

Tuir ofisial justisa ne’ebé lakohi temi naran iha seksaun sivíl nian informa, Juiz titular Maria Modesta, hasai ona despaixu ba iha parte rua atu marka prezensa iha julgamentu ne’ebé realiza semana oin.

Iha biban hanesan, defeza husi Marino Enterprises, Pedro Aparicio Guterres, konfirma katak nia parte mós simu ona mensajen husi ninia kliente atu tuir julgamentu iha loron ne’ebé mak Tribunal  marka ona iha loron 29 outubru 2019.

Jornalista : Domingos Piedade Freitas

Editór       : Francisco Simões

HAKEREK NO HATÁN

Please enter your comment!
Please enter your name here