Ministra Finansa em ezersisiu, Sara Lobo Brites. Foto António Goncalves

DILI, 15 outubru 2019 (TATOLI) – Ministra Finansas ein ezersísiu, Sara Lobo Brites, hateten Orsamentu Jerál Estadu (OJE) 2020, Governu iha prioridade lima maka sei dezenvolve iha tinan-oin.

“Orsamentu 2020 ita iha prioridade lima hanesan kapitál sosiál no bem estar ba  sosiedade, protesaun sosiál, sidadania atu haree tau osan uitoan ba sidadaun joven sira ne’ebé sente pertense ba Estadu, dezenvolvimentu ekonómiku no konetividade ne’ebé sei ko’alia kona-ba estrada no ikus liu konsolida ita-nia seguransa no defeza sira, relasaun internasionál no hametin justisa iha ita-nia rain”, dehan governante ne’e.

Notísia Relevante: Prioridade VIII Governu 2020: Bem Estar, Dezenvolvimentu Setór Produtivu No Konektividade

Nia subliña, iha área setorál, prioridade liu iha saúde, agrikultura no edukasaun maka hetan atensaun maka’as liu.

Sara Lobo dehan tan, iha área infraestrutura, Governu nafatin tau atensaun ba estrada no bee-moos tanba liga ho bem estar povu-nian.

Jornalista: Hortençio Sanchez

Editór: Xisto Freitas

HAKEREK NO HATÁN

Please enter your comment!
Please enter your name here