Formatura estudante ESG An-nur. Foto: Galeria An-nur

DILI, 15 outubru 2019 (TATOLI)-Eskola Sekundáriu Jerál (ESG) An-nur Dili, antes ne´e nia númeru estudante ladun iha maibé nia númeru sa´e gradualmente iha tinan létivu 2007 bainhira nia estudante ida hetan valór di´ak liu iha nível nasionál no komunidade sira iha ona koñesimentu di´ak ba estabelesimentu ensinu ne´e.

Diretór ESG-An-nur, Luis Amaral do Rego. Foto TATOLI: Nelia Fernandes

“Antes ne’e ESG An-nur ne’e estudante ladun iha no ema mós ladun koñese eskola ne’e tanba ema balun hakarak mai eskola iha ne’e maibé sira balun ta´uk. Komesa husi ida ne’e ami komesa fó sai ona no sira mós iha ona koñesimentu di’ak maka husi 2007 mai to’o agora estudante tama tan, barak mak mai hakarak mai eskola iha ne’e,” haktuir Diretór  ESGAn-nur, Luis Amaral do Rego ba Ajensia TATOLI iha nia kna’ar fatin, ESG An-nur, tersa ne´e.

“Entaun estudante komesa tama to’o agora, ami ensinu sekundária husi désimu até  désimu segundu ano totál estudante hamutuk mil e tal,” informa tan diretór eskola ne´e.

Kona-ba atividade létiva, manorin na´in ne´e esplika katak estabelesimentu ensinu ne´e sempre halo preparasaun.

 “Ami sempre haka´as aan, ami halo preparasaun másimu, bainhira ami tama iha aula, bainhira prosesu aprendizajen komesa, ami profesór sira serbisu hamutuk, ami prepara másimu atu esplika materia ba estudante, ne’e mak buat sira ne’e la´o ho di’ak”.

Notísia relevante:ESG An-nur Preparadu Partisipa Ezame Nasionál

Jornalista: Nelia Fernandes

Editór     : Rafy Belo

HAKEREK NO HATÁN

Please enter your comment!
Please enter your name here