Ministru Justisa, Manuel Cárceres da Costa, lidera enkontru Konsellu Koordenasaun Justisa. Imajen/Nelson de Sousa

DILI, 15 outubru 2019 (TATOLI)-Molok konklui ezbosu Lei Organizasaun Judisiáriu, ohin, Ministru Justisa (MJ), Manuel Cárceres da Costa, konvoka tan enkontru ho Konsellu Koordenasaun Justisa hodi rona paresér ikus husi Prezidente Tribunal Rekursu ho Prokuradór Jerál Repúblika (PGR-sigla portugés).

Notísia Relevante: Proposta Lei Organizasaun Judisiáriu iha Artigu 112

PTR ho PJR mós hola parte iha Konsellu Koordenasaun Justisa ne’ebé lidera rasik husi Ministru Justisa, Manuel Cárceres da Costa.

Notísia Relevante: Sei Elimina Artigu Balun iha Proposta Lei Organizasaun Judisiáriu

“Ha’u husu ona ba Prezidente Tribunál Rekursu  no Prokuradór Jerál Repúblika  atu hato’o tan sira nia paresér ida ikus liu hodi hadi’a liután ezbosu lei organizasaun judisiária ne’ebé prepara ona,” informa Ministru Manuel Cárceres da Costa.

Notísia Relevante: Lei Organizasaun Judisiária Tenke Bazeia Ba Dadus Estatístika Tribunál

Depois PTR ho PJR hato’o sira nia paresér ba Ministériu Justisa maka sei finaliza ezbosu Lei Organizasaun Judisiáriu ne’e hodi entrega ba Ministériu Reforma Lejizlativa no Asuntu Parlamentár (MRLAP) atu diskute hamutuk hafoin lori ba aprezenta iha reuniaun Konsellu Ministru.

Notísia Relevante: Tempu Besik, MJ Finaliza Ezbosu Lei Organizasaun Judisiáriu

Konsellu Koordenasaun Justisa diskute mós  ezbosu dekretu lei númeru 10/2019 14 juñu ne’ebé ko’alia kona-ba  estatutu orgánika Sentru Formasaun Jurídika no Judisiáriu   ne’ebé la hetan aprovasaun iha Konsellu Ministru, foin lalais, tanba presiza atu hadi’a iha artigu balun.

Jornalista : Nelson de Sousa

Editór       : Francisco Simões

HAKEREK NO HATÁN

Please enter your comment!
Please enter your name here