Sekretáriu Estadu Formasaun Profisionál no Empregu (SEFOPE), Julião da Silva. Imajen/Tatoli.

DILI, 15 outubru 2019 (TATOLI) – Sekretáriu Estadu Formasaun Profisionál no Empregu (SEFOPE), Julião da Silva, hateten iha 2020, tau orsamentu rihun $500 iha Banku Nasionál Komérsiu Timor-Leste iha (BNCTL, sigla portugés) hodi bele fó asesu ba kréditu.

“Ita hahú ona programa auto empregu hodi tau osan rihun $500 tanba akordu ne’e asina ona ho BNCTL atu grupu sira bele asesu ba kréditu”, SEFOPE Julião da Silva afirma iha knaar fatin Kaikoli, ohin.

Programa auto empregu ne’e, nia dehan SEFOPE ko’alia ona ho Komisaun Anti Korrupsaun (KAK) no Ministériu Públiku atu dezenvolve nia lei, kritéria, rekizitu no kontratu atubele fasilita SEFOPE hodi kontrola grupu sira ne’ebé halo kréditu.

“Ekipa SEFOPE tuur hamutuk ona ho KAK no Ministériu Públiku, ba sira ne’ebé iha esperiénsia ita tuur hamutuk dezenvolve regra ida para komunidade sira ne’ebé atu mai apply ne’e haree regra no lei atu grupu sira tenke kumpre”, katak

SEFOPE mós hala’o ona kooperasaun ho Institutu ba Apoiu Dezenvolvimentu Emprezariál (IADE) atu fó formasaun ba grupu sira hodi bele asesu kréditu halo negósiu ho di’ak.

Osan rihun $500 ne’e, Julião dehan fó prioridade ba formadu sira ne’ebé tuir ona formasaun husi sentru treinamentu sira ne’ebé SEFOPE kria no prioridade daruak mak maluk sira seluk, mas iha lisensa hosi Servisu Rejistrasaun no Verifikasaun Emprezariál (SERVE).

“Ita-nia grupu sira ne’ebé asesu kréditu ne’e tenke asina akordu, depois ita sei hala’o auditoria tun direita no buka tuir kada fulan tolu”, haktuir.

Jornalista : Florencio Miranda Ximenes

Editora : Maria Auxiliadora

HAKEREK NO HATÁN

Please enter your comment!
Please enter your name here