Traballadór Timor-oan na’in 22 arranka tabnba Korea do Sul, segunda (14/10/2019). Imajen/Osória Marques

DILI, 14 outubru 2019 (TATOLI)-Sekretáriu Estadu Formasaun Professional no Empregu (SEFOPE), ohin, haruka tan ona traballadór Timor-oan na’in 22 ba Korea do Sul.

Notísia relevante : KAK, IJE, PDHJ ho KFP Buka Tuir Indísiu KKN Rekrutamentu Traballadór iha SEFOPE

Diretór Nasional Empregu Exterior SEFOPE, Filomeno Soares.

Sira hirak ne’ebé selesionadu husi Munisípiu 12, inklui Rejiaun Administrativu Espesiál Oe-Cusse Ambeno (RAEOA)  sei ba servisu iha area peska no na’in lima (5) iha fabrika, no ohin arranka ona aviaun Sriwijaya ba tránzitu iha Bali hodi liu ba Korea do Sul.

Diretór Nasional Empregu Exterior SEFOPE,  Filomeno Soares, sira hirak ne’ebé selesionadu ne’e kumpre ona  kritériu sira, mak hanesan aprovadu tuir kursu lian Korea.

Notísia Relevante : DNEE Komprometidu Buka Tuir “Mafia” iha SEFOPE

“Ita seidauk iha evidénsia ida kona ba indikasaun familiarizmu iha SEFOPE nune’e mós exelénsia SEFOPE rasik informa ona katak ema hotu- hotu iha interese atu ba rai li’ur,” hateten Filomeno Soares,  ohin, hodi responde Ajénsia TATOLI  iha nia servisu fatin, Dili.

Nia hatutan, informasaun ne’ebé espalla iha públiku katak rekrutamentu ba traballadór sira ‘nakonu’ nepotizmu mai husi hirak ne’ebé la liu. Maibé, SEFOPE konsidera informasaun sira ne’e importante atu kontinua halo ezersísiu hodi aproviziona di’ak liu no rigor liu ba prosesu sira ne’e.

Nia afirma katak governu liuhusi SEFOPE kria  kondisoens, nune’e fó oportunidade ba joven Timor-oan hotu atu ba servisu Korea ho Australia.  Importante prepara sira nia-an no tenke tuir prienxe kritériu ne’ebé aplikada.

Jornalista : Osória Marques

Editór       : Francisco Simões

HAKEREK NO HATÁN

Please enter your comment!
Please enter your name here