Ministra Edukasaun, Juventude no Desportu (MEJD), Dulce de Jesus Soares. imajen/tatoli

DILI, 14 outubru 2019 (TATOLI)-Ministra Edukasaun, Juventude e Desportu (MEJD), Dulce de Jesus Soares enkoraja profesór hotu iha territóriu Timór laran tomak atu brani hasoru dezafiu husi rezultadu ezame nasionál ne’ebé sei tuir mai.

“Mezmu sei iha dezafiu ho rezultadu ezame nasionál ne’e sei tuir mai, maibé ha’u enkoraja ita boot sira hotu atu brani hasoru dezafiu sira ne’e tanba ida ne’e mak hanaran prosesu,” tenik Ministra Dulce de Jesus ba jornalista sira iha Eskola Ensino Secundáriu Tékniku Vokasionál-Grupu Teknolojia Indústria (ESTV-GTI) Becora, (14/10/2019).

Iha biban hanesan, Ministra Dulce de Jesus Soares louva esforsu hotu ne’ebé profesór sira halo ona,  kooperasaun di´ak ho ninia  rezultadu lori progresu ho realizasaun ezame nasionál ida ne’e.

Governante ne´e dezeja ba susesu iha semana ida ne’e no espera bele kontinua ba ezame lokál hodi akompaña nafatin oan sira to’o tempu feiras. “Ha’u fiar dezempeñu ne’ebé ita-boot sira (profesór) hatudu ne’e sei lori progresu ba oan sira ninia futuru,” nia konklui.

Notísia relevante:MEJD Halo Abertura Ezame Nasionál Iha ESTV-GTI Becora

Jornalista : Tomé Amado

Editór       : Rafy Belo

HAKEREK NO HATÁN

Please enter your comment!
Please enter your name here