Vise-Diretór Asuntu Administrasaun no Prezidente Komisaun Organizadora (KO) Ezame Nasionál tinan Letivu 2019, Celestino António Guterres. Foto TATOLI: Nelia Fernandes

DILI, 13 outubru 2019 (TATOLI)-Estudante Ensinu Sekundáriu Jerál (ESG) privadu Cristal hamutuk na´in 23 kompostu husi estudante Siénsia Teknolojia na´in 10 no Siénsia Sosiál no Umanidade na´in 13, sei la partisipa iha ezame nasionál ba tinan létivu 2019 ne´ebé sei akontese aban (14/10) tanba la marka prezensa iha prosesu aprendizajen.

“Estudante sira ne’e la partisipa iha ezame nasionál no la iha justifikasaun ruma ba eskola. Sein justifikasaun ba eskola, to’o agora,” konfirma Vise-Diretór Asuntu Administrasaun no Prezidente Komisaun Organizadora (KO) Ezame Nasionál tinan Letivu 2019, Celestino António Guterres ba Ajénsia TATOLI iha nia kna’ar fatin, iha semana ne’e.

Kona-ba preparasaun, manorin na´in Cristal ne´e esplika katak primeiru mai husi prosesu aprendizajen, segundu mai husi prosesu preparasaun ba iha teze (mini Teze ); estudante sira tenke elabora teze ruma atu nune’e sira bele hili tópiku ruma mai halo aprezentasaun, terseiru pontu sei halo preparasaun ba ezame pra ezame nasionál.

“Ne’e ami prepara antes ne’e molok atu tama ezame nasionál, ami preparasaun kondisaun ba labarik sira ne’e signifika, fó korajen ba labarik sira para prepara nia kondisaun inteletul molok tama ba iha ezame nasional,” katak Prezidente KO ne´e.

Vise-Diretór, Celestino António Guterres relata katak estudante siénsia teknolojia no siénsia sosiál no umanidade ne´ebé sei partisipa iha ezame nasionál aban hamutuk na´in 417 no sala aula ne´ebé sei uza ba ezame nasionál ba estudante sira hamutuk 25.

Jornalista : Nelia Fernandes

Editór       : Rafy Belo

HAKEREK NO HATÁN

Please enter your comment!
Please enter your name here