Merkadu Motaain ne'ebeé Governu harii iha tinan 2017 maibé abandonadu. Imajen/António Gonçalves

BOBONARO, 09 outubru 2019 (TATOLI)-Prezidente Autoridade Munisípiu Bobonaro, Jeferino dos Santos, husu ba Governu da-ualu atu foti desizaun ba funsionamentu merkadu tradisionál iha Motaain.

Notísia Relevante : Merkadu Tradisionál Motaain “Abandonadu”

Prezidente Autoridade Munisípiu Bobonaro, Jeferino dos Santos. Imajen/Antonio Goncalves

Merkadu ne’e harii iha tinan 2017 husi orsamentu Estadu ne’ebé implementa husi Ministériu Turizmu Komérsiu no  Indústria (MTKI) ho intensaun bele fasilita atividade komersiál entre komunidade sira iha liña fronteira terrestre Timor-Leste ho Indonézia.

Durante halo enkontru ho Governu Sentrál, Jeferino dos Santos, sempre aprezenta kestaun ne’e atu bele iha desizaun ba funsionamentu merkadu Motaain, maibé  to’o ohin loron la iha resposta konkreta ba nia funsionamentu.

‘’Ha’u propoin ona ba sira MKIA atu utiliza merkadu ne’e ba edifísiu postu integradu atu bele fasilita pesoál sira nia serbisu hodi nune’e infraestrutura ne’ebé estabelese ona bele utiliza no la bele abandona atu ikus sai at tiha de’it,” hateten Jeferino dos Santos, ba Ajénsia TATOLI iha Bobonaro, tersa (08/10/2019).

Jeferino propoin ba Governu da-ualu atu diskute mós kestaun ne’e iha reuniaun Konsellu Ministru atu bele iha desizaun ne’ebé imediatamente ba funsionamentu fasilidade ne’ebé estadu investe ona ba Merkadu Motaain.

Jornalista     : Agapito dos Santos

Edítor            : Francisco Simõs

HAKEREK NO HATÁN

Please enter your comment!
Please enter your name here