Prezidente Parlamentu Nasionál, Arão Noé de Jesus da Costa Amaral. Imajen Tatoli/António Gonçalves

DILI, 9 outubru 2019 (TATOLI)–Prezidente Parlamentu Nasionál, Arão Noé de Jesus da Costa Amaral, konsidera prezensa Amu Papa iha 12 outubru 1989 importante tebes ba povu Timor-Leste.

“Loron ne’e importante tebes ho vizita Amu Papa João Paulo II nian no lori sinál pozitivu ba prosesu luta Timor-Leste. Hosi ne’ebá joven sira hahú tún hamosu demonstrasaun iha rai laran. Iha momentu ne’e, jornalista barak hosi mundu akompaña Amu Papa hodi haree realidade iha Timor”, dehan Arão Noé, iha Parlamentu Nasionál, tersa ne’e.

Lee mós: Prezensa Amu Papa iha 1989 Hanesan Oportunidade Osan-Mean

Nia tenik, hahú hosi prezensa Amu Papa nian mak lori sai polítika Timor nian ba mundu.

Prezidente Parlamentu Nasionál hateten katak loron ida-ne’e merese selebra.

“Estadu ho Igreja bele serbisu hamutuk hodi selebra loron importante ne’e, maibé kabe ba Governu ne’ebé sai jestór ba atividade sira hanesan ne’e. Se tempu ida agora la komemora ho di’ak, ha’u hanoin bele tau iha konsiderasaun”, katak nia.

Jornalista: Evaristo Soares Martins

Editór: Xisto Freitas

HAKEREK NO HATÁN

Please enter your comment!
Please enter your name here