Parteira. Ilustrasaun

DILI, 08 outubru 2019 (TATOLI)-Iha fulan agostu no setembru Sentru Saúde Formoza rejista moras Infesaun Vias Respiratóriu  (ISPA), moras kulit (dermatiti) no diárea mak aas iha sentru saúde ne´e.

Xefe Sentru Saúde Formosa, Jaimé dos Reis Belo) no diárea mak aas iha sentru saúde ne´e.

Xefe Sentru Saúde Formoza, Jaimé dos Reis Belo informa katak rekursu umanu ba Postu Administrativu Na´in Feto nian ne’e sufisiente tanba iha Sentru Saúde Formoza ne’e la´ós simu de´it Postu Administartivu Na´in Feto maibé simu mos husi Dom Aleixo, Vera Cruz, Cristo Rei no Laulara inklui mós Hera.

“Tanba ne’e  mak agora daudaun  parteira sira mak menus liu fali. Ami prezisa aumenta tan  hanesan farmasista, laboratóriu,  tékniku aleadus, no presiza aumenta tan hodi halao servisu ho di´ak,” dehan Xefe Sentru Saúde Formosa, Jaimé dos Reis Belo ba Ajénsia TATOLI, ohin.

Nia relata, parteira agora daudaun iha sentru saúde hamutuk na´in 15 maibé agora daudaun sira labele halo servisu ona; hanesan balun idade,  depois balun ba eskola tanba ne’e mak hakarak aumenta.

“Hanesan kuantidade mai partus iha sentru ne’e menus maibe atu ba fali atendimentu ba pen ida no pen rua ne’e ema mai barak no depois halo atividade ba iha li´ur hanesan halo SISKA (Servisu Integradu Saúde Komunitária)mobile klínika ne’e parteira sira mós inklui iha laran no ba munisípiu tama um,a sai uma, ne’e parteira mos tuir tanba ne’e mak Sentru Formoza presiza tan aumenta parteira para atende ba iha Sentru Formoza ne’e rasik,” informa Xefe Jaimé dos Reis Belo.

“Ami husu para prezisa tau tan parteira na´in rua ka tolu para halo servisu ho di´ak tanba parteira rua mak muda ona ba Ministeriu Saúde,  la iha troka no ida seluk ba tiha portugal, la iha troka,” nia hatutan .

Karreta Multifunsaun Aat

Xefe Sentru Saúde Formosa, Jaimé dos Reis Belo, iha biban hanesan haktuir mós ba Ajénsia TATOLI katak karreta multifunsaun iha Sentru Saúde Formosa mós aat. Tula pasiente iha Dili laran de´it  maibé hanesan ba iha Dare la bele tanba kareta nia kondisaun ladi´ak no karreta mós uza kle´ur ona.

Teknikamente  ba tula pasiente iha Dare  presiza kareta di´ak mak sa´e ba. Se karreta kondisaun hanesan ne’e (aat) labele sae ba tula pasiente sira.

Karreta mós lampu la di´ak no servisu iha sentru saúde ne’e mós halo rotasaun oras 24. Ne’e impaktu mós ba pesoál saúdetanba dalaruma pesoál saúde sira serbisu ne’e dala ruma sai tuku 10 kalan entaun karreta ambunlánsia  sempre tula idaidak ba nia uma depois ambulánsia ne’e ninia kondisaun ladi´ak no presiza hadi´a.

Hanesan mós infraestutura; uma hanesan kontentór, agora daudaun ne’e mós ladi´ak hodi halo tratamentu ba pasiente sira.

“Tanba ne’e mak prezisa halo reabilitasaun para pesoál saúde sira atende komunidade sira ne’ebé mak mai halo tratamentu iha iha sentru ne’e rasik no  difikuladade hirak ne’e ami mós hato’o ona ba Munisípiu Dili no mós nasionál maibé to’o agra sira seidauk resposta ba ami-nia difikuldade ne’e,” informa Xefe Jaimé dos Reis Belo.

Notísia relevante:Sentru Saúde Formosa Infrenta Difikuldade Ba Ambulánsia

Jornalista: Felicidade Ximenes

Editór     : Rafy Belo

HAKEREK NO HATÁN

Please enter your comment!
Please enter your name here