Primeiru-Ministru, Taur Matan Ruak vizita ba Ró Militár Chinese Navy training Ship, CNS Qi Jiguang iha Portu Dili. Imajen Tatoli/Egas Cristovão

DILI, 08 outubru 2019 (TATOLI) – Primeiru-Ministru (PM), Taur Matan Ruak, akompaña husi ninia espoza, Isabel Ferreira, hala’o vizita ba Ró Militár Chinese Navy Training Ship, CNS Qi Jiguang ne’ebé daudaun ne’e para hela iha Portu Dili.

“Ha’u ohin mai vizita sira hodi fó boa-vinda ba sira ne’ebé mak mai hela iha ita-nia rain”,  tenik PM Taur iha Portu Dili, tersa ne’e.

Primeiru-Ministru, Taur Matan Ruak , akompaña husi ninia espoza, Isabel Ferreira, hala’o vizita ba Ró Militar “Chinese Navy Training Ship, CNS Qi Jiguang” Iha Portu Díli. Imajen Tatoli/Egas Cristovão.

Nune’e mós, Embaixadór China iha Timor-Leste, Xiao Jianguo, sente orgullu tanba Xefe Governu bele vizita ró treinamentu forsa navál ne’e.

“Hosi vizita ne’e hatudu katak ita-nia amizade bilaterál entre nasaun rua metin nafatin”, nia dehan.

Xiao Jianguo haktuir, iha vizita ne’e PM Taur mós husu atu ró refere bele hala’o nafatin vizita mai Timor-Leste.

“Ha’u-nia esperansa iha futuru líder nasaun rua-nian sei servisu hamutuk di’ak liután hodi ita-nia kooperasaun ne’e ba oin nafatin”, nia subliña.

Entretantu, ema ne’ebé daudaun ne’e iha ró laran hamutuk 517, kompostu hosi estudante 318 no militár.

Jornalista: Hortençio Sanchez

Editór: Xisto Freitas

HAKEREK NO HATÁN

Please enter your comment!
Please enter your name here