Adjuntu PDHJ Miguel Pereira de Carvalho. Imajen/Domingos Piedade

DILI, 08 setembru 2019 (TATOLI)—Provedoria Direitu Umanu no Justisa (PDHJ-sigla portugés) simu ona keixa 180-resin kona-ba kazu violasaun ba boa governasaun no violasaun direitu umanu.

Adjuntu PDHJ Miguel Pereira de Carvalho, informa, durante mandatu PDHJ ida ne’e nian simu ona keixa 180-resin no kazu sira ne’ebé iha indikasaun krime no abuzu podér, PDHJ enkamiña ona ba Ministériu Públiku (MP).

Ba Ajénsia TATOLI, ohin, iha Dili, Miguel Pereira de Carvalho, hateten, buat sira nee akontese tanba funsionáriu sira halo funsaun la tuir regra no razaun seluk mak laiha kontrolu efikás husi superiór sira ba aktu administrativa.

Nia parte husu ba funsionáriu no superiór sira atu halo serbisu di’ak liu tan tuir regra normal no tenke hatene lei atu bele hala’o funsaun di’ak liu hodi promove boa governasaun.

Jornalista : Domingos Piedade Freitas

Editór       : Francisco Simões

HAKEREK NO HATÁN

Please enter your comment!
Please enter your name here