Koordenadór Uma Amerika UNTL, Ezequiel de Jesus Ribeiro. Foto TATOLI: Nelia Fernandes

DILI, 07 outubru 2019 (TATOLI)-Produtór Filme amerikanu, Down Venelez no Erick fahe esperiénsia kona-ba filme ba estudante  sira iha Uma Amérika, ne´ebé lokaliza besik, Fakuldade Ekonomia no Jestaun, UNTL (Universidade Nasionál Timor Lorosa´e).

Iha diskusaun ne´e produtór filme amerikanu na´in rua ne´e partilla esperiénsia ho filme ho naran “Pushout Movie”.

“Filme Pushout Out ne’e labarik sira ne’ebé eskola maibé ikus mai iha dalan klaran sira sai. Entaun iha filme ida ne’e atu hatudu katak oinsá maneira hanorin husi edukasaun, bele muda ema-nia hahalok,” haktuir Koordenadór Uma Amérika UNTL, Ezequiel de Jesus Ribeiro ba Ajénsia TATOLI, sábadu ne’e.

Koordenadór Ezequiel de Jesus Ribeiro hateten, objetivu hatudu filme “ Pushout Out” ba estudante sira iha Uma Amérika, ba públiku katak la iha buat ida mak imposível, ita-nia maneira bele troka.

“Hanesan ohin iha filme ne’e katak, ema ne’ebé mak sai genster, hanesan sai membru gens halo problemadór, maibé liuhusi sistema edukasaun bele troka sira sai ema ne’ebé di’ak,” tenik Koordenadór Uma Amerika ne’e.

Nia haktuir, iha diskusaun ko´alia primeiru katak atu hatene intensaun saida mak produtór filme sira hakarak, husi filme ne’e nia intensaun ne’e saída. Saida mak sira-nia espetasaun ba audiensia, tanba saida mak tenke hatudu husi filme. “Entaun ida ne’e sira bele inspira mós ita-nia maluk sira atu bele tuir sira, atu kria mudansa ba ita-nia sosiedade liuhusi buat simples ida hanesan filmajen”.

Koordenadór Uma Amérika, Ezequiel de Jesus Ribeiro haktuir tan katak durante diskusaun ho estudante sira no estudante sira husu kona-ba motivasaun sira nia hodi sai produtór filme no obstakúlu saida mak hasoru no semak inspira, produtór filme na´in rua; Erick Brown no Dawn Veledez fahe mós dikas (tips) ba estudante sira.

Katak, hakarak sai filmmaker ne’e primeiru ita tenke haree filme barak, buka ema ida ne’ebé sai o nia modelu no hakarak tuir. “Tanbasá  hakarak sai hanesan nian no buat ne’e la’ós mehi boot, tenke hetan kedas lae; komesa husi buat ki’ik”.

Diskusaun kona-ba filme, Koordenadór Ama Amérika espera: “Husi filmajen ida ne’ebé sira haree, bele inspira sira, karik sira iha problema ruma iha sira nia moris, ida ne’e hanesan inspirasun ida ba sira atu bele espresa liuhusi asaun kreativu ruma”.

Entertantu, diskusaun ne’e  realiza tanba kolaborasaun ho Embaixada Amérika ho Uma Embaixada Amerika UNTL tanba uma Amérika hanesan sentru kultura amerikanu ni’an.

Jornalista : Nelia Fernandes

Editór        : Rafy Belo

HAKEREK NO HATÁN

Please enter your comment!
Please enter your name here