Porkuradór Jerál Repúblika (PJR), Jose Ximenes. Imajen/Tatoli

DILI, 07 outubru 2019 (TATOLI) – Arguidu na’in tolu ne’ebé oho estudante Timor iha Jogjakarta, Indonézia, ho naran João Bosco Batista Kolo Batan, oras ne’e iha ona prizaun preventiva.

Prokuradór Jerál Repúblika, José da Costa Ximenes hato’o asuntu ne’e ba Prezidente Repúblika (PR), Francisco Guterres Lú Olo durante enkontru mensál iha Palásiu Prezidente Nicolau Lobato, Bairru Pité, ohin.

Lee mós: Suspeitu Oho Bosco, Bele Hetan Pena Morte

Hafoin enkontru ho Prezidente Repúblika,  ba jornalista sira, José Ximenes hateten katak maluk timoroan sira ne’ebé oho João Bosco, balun antes ne’e mai tiha Timor no bainhira fila fali ba Indonézia, ema Indonézia kaptura no oras ne’e hamutuk na’in tolu mak iha prizaun preventiva.

“Balun mai tiha Timor, depois fila hikas ba, ema Indonézia kaptura no oras ne’e tama ona iha prizaun preventiva”, Prokuradór Jerál haktuir.

Kona-ba investigasaun, nia informa katak, oras ne’e prosesu la’o hela.

Jornalista: Cipriano Colo

Editór: Xisto Freitas

HAKEREK NO HATÁN

Please enter your comment!
Please enter your name here