Foto hamutuk konkorrente no vensedór DIFF 2019. Foto TATOLI: Nelia Fernandes

DILI, 06 outubru 2019 (TATOLI)-Dili Festival Filme Internasional Dili (DIFF) Fahe prémiu ba konkorente Produsaun filme ba vensedór sira ne´ebé mai husi konkorente nasionál na´in hitu.

Vensedór ba kompetisaun ne´e mak grupu Campis Filmmakers ho títulu filme Luta ba Futuru (primeiru-lugar), segundu lugar mak grupu ADTL ho títulu filme Asaun Lao ho Caridade no terseiru lugar husi grupu Nocollide ho títulu filme Anju La Iha Liras.

Fundadór DIFF, Michael Smith kompara, halo filme ka produsaun filme nian, ita hanesan hari’i uma tanba iha uma la’ós ema ida de’it mak halo maibé iha ekipa ida ne’ebé serbisu hamutuk, iha espesialista barak ne’ebé serbisu hamutuk, la’ós ema ida mesak mak halo filme.

“Ami haree iha kompetisaun ne’e, ema mai hamutuk, halibur hamutuk atu prodús filme ne’e no dala barak iha indústria filme ne’e la’ós ema ida mak autor, kâmera no editor de’it mas tenke ajuda malu, serbisu hamutuk atu kria buat ruma. Nune’e, ami nia esperansa liuhusi DIFF kompetisaun ne’e, ema mós hetan malu atu iha futuru prodús filme,” hateten Michael Smith, iha Benfica, Dili, sábadu ne’e.

Iha fatin hanesan,Fundadora ka Diretora DIFF no Pixelasia, Lena Lenzen sente, orgullu tebes, tanba ekipa hitu mak hatama sira-nia filme. Ekipa ne´en mak selesionada liuhusi “audiense award”. Katak, audiénsia sira mak sei fó votus ba filme ne´ebé sira gostu. Audiénsia sira iha ámbitu ida ne´e hamutuk ema na´in 70 resin.

Marka prezensa iha atividade atribuisaun prémiu ne´e ne´e mak produtór filme amerikanu, Dawn Valadez ho Alrick Brown no mós husi bainaka internasionál no lokál sira.

Notísia relevante:Campis Filmmakers Vensedór Kompetisaun DIFF 2019

Jornalista  : Nelia Fernandes

Editor         : Rafy Belo

HAKEREK NO HATÁN

Please enter your comment!
Please enter your name here