Aviaun militár Korea do Sul nian. Imajen/Nelia Borges

DILI, 05 Outubru 2019(TATOLI)-Relembra tinan 20 destakamentu iha Oe-cusse, Eis-forsa manutensaun pás husi Korea Sul hamutuk na´in 34 hamutuk ho Tanente Jenerál Fitun, Lee Seoukgu ho ROK Air Force 178 to´o ona iha Aeroportu Internasionál Nicolau Lobato, ohin, tuku 14:39 otl no simu direta husi Diretór Jerál Asuntu Protokolu Konsulár no Mídia, Juvencio de Jesus Martins.

“Objetivu husi sira-nia vizita ne’e sira atu mai hanoin fila fali, loron ne’ebé sira mai serbi iha ne’e hanesan forsa manutensaun ba pás iha 1999, ne’ebé sira hela durante tinan ida resin,” informa Diretór Juvencio de Jesus Martins ba jornalista sira iha Aeroportu Nicolau Lobato.

Nia haktuir, prezensa forsa manutensaun ba pás husi forsa koreanu iha Timór liuliu iha Oe-cusse, sira lakon mós sira nia maluk.

“Mate iha Mota Aton tanba kareta aat iha mota laran, ida tun ba hadi´a maka mota mai derepente halakon tiha nia, no nain tolu seluk mai atu ajuda maibé sira mós lakon hotu. Tanba ne’e, nain haat konsege hetan maibé ida seluk la konsege,” informa Diretór Juvencio de Jesus Martins.

“Tanba ne’e objetivu sira mai ne’e atu ba vizita mós Oe-cuse no fatin ne´ebé sira nia forsa maluk mate, ba iha tempu hanesan mós atu selebra sira-nia loron,  loron Korea nian,” nia reforsa tan.

Entretantu, Tuir Diretór Diretór Juvencio de Jesus Martins katak atividade ne’ebé eis-forsa manutensaun pás husi Korea Sul durante loron tolu hahú husi loron 5 to´o loron 8 outubru  mak vizita CNC(Centro Nacional Chega) no Múzeu Rezisténsia no  Oe-cuse.

Jornalista:Nelia Borges

Editór      : Rafy Belo

HAKEREK NO HATÁN

Please enter your comment!
Please enter your name here