abinete Apoiu Tékniku (GAT), ESG 12 Novembro Becora, Mario Tomas da Conceição. Foto TATOLI: Tomé Amado

DILI, 04 outubru 2019 (TATOLI)-Eskola Sekundáriu Jerál (ESG) 12 Novembru aplika sansaun interna hodi proíbe ka bandu estudante sira fuma sigarru, hemu bébida alkoolika hanesan tua inklui komete problema iha aredór eskola nian.

Sansaun ne’e nudar desizaun koletiva entre eskola ho Konsellu Inan-aman tan ne’e parte eskola implementa regra ne’e nu´udar matéria edukativa atu estudante hotu iha estabelesimentu ensinu ne’e labele halo tuir ninia vontade rasik.

Gabinete Apoiu Tékniku (GAT) ESG 12 Novembro Becora, Mario Tomas da Conceição hateten, sansaun ne’e konsege aplika ona iha tinan 2006  ba estudante ida ne’ebe halo problema iha eskola depois lori ema husi li´ur mai. Entaun parte eskola foti medida hodi eskor estudante ne’e. Maibe,  nia kontiua halo ikus mai entrega hikas ba família. Husi akontesementu ne’e mai to’o agora buat hotu la´o diak.

“Ami-nia regras ne’e kontinua eziste hela maibé agora ami la rona  estudante ida mak repete hahalok sira ne’e,” tenik GAT, Mario Tomas ba jornalista Ajénsia TATOLI iha ninia serbisu fatin ESG 12 Novembro Becora, sesta (04/10/2019).

Manorin na´in ne´e esplika, maske governu rasik kria ona lei hodi asegura direitu estudante sira nian maibé eskola implemetnta mós métodu edukativu ba estudante sira. Entaun regra ne’e la´o nafatin, kuandu fuma sigarru, hemu tua inklui komete problema repete, eskola kontinua foti medida.

“Agora sansaun ne’ebé eskola foti tuir ninia gravidade sala ne’ebé estudante ida komete entaun regulamentu ho ninia sansaun atu eduka estudante sira labele prejúdika fali prosesu ensinu aprendizazen iha eskola,” tenik GAT, Mario Tomas.

Nia dehan, intendimentu estudante nian kona-ba regra interna ne’e kuda kedas uainhira eskola halo inskrisaun ba estudante foun sira atu nune’e sira bele hatoman aan uainhira hahú ona eskola.

 Jornalista : Tomé Amado

Editór       : Rafy Belo 

HAKEREK NO HATÁN

Please enter your comment!
Please enter your name here